
Li Stenbolê 9 kesên di binçavan de bûn hatin berdan 

2022-06-17 16:31:14


	&nbsp;

	STENBOL - Li navçeyên Stenbolê 9 kesên ku di Meşa Gemlîkê de hatibûn binçavkirin, piştî karûbarên li edliyeyê hatin berdan.&nbsp;

	&nbsp;

	Li Stenbolê di 16’ê hezîranê de polîsan bi awayekî hemdemî avêt ser gelek malan. Di serdagirtan malan de ji xebatkarên Kovara Modernîteya Demokratîk Saliha Aras, hin rêveber û endamên Partiya Demokratîk a Gelan (HDP) jî di nav de 9 kes hatibûn binçavkirin.&nbsp;

	&nbsp;

	9 kesên ku di 12’ê hezîranê de tev li Meşa Gemlîkê ya baskê Kadikoyê bûbûn, bi hincetên “muxalefeta li dijî qanûna civîn û meşên xwepêşandanê ya bi hejmara 2911'an", “propagandaya rêxistinê”, “pesindayîna sûcdar" hatibûn binçavkirin. Piştî ku karûbarên wan li Midûriyeta Polîsan a Stenbolê qediya, sewqî edliyeyê hatin kirin.&nbsp;

	&nbsp;

	Hevberdevka Rêxistinkirinê ya HDP’a Stenbolê Besra Îşsever, Hevseroka Rêxistina HDP'ê ya Navçeya Uskudarê Aysel Ozbey û Enes Ozdaş bi hinceta “Propagandaya rêxistinê kirine” bi daxwaza girtinê sewqî Dadgeha Cezayê Sulhê hatin kirin, 6 kesên din jî hatin berdan.&nbsp;

	&nbsp;

	Her wiha 3 kesên ku bi daxwaza girtinê sewqî dadgehê hatin kirin jî piştî îfade dan dadger hatin berdan.&nbsp;

	&nbsp;