ROJEVA 20'Ê HEZÎRANA 2022'YAN

2022-06-20 09:00:00


	 

	* Parêzerê Rêberê PKK'ê Abdullah Ocalan Îbrahîm Bîlmez, diyar kir ku li Îmraliyê sûc tê kirin û wê bi mezinkirina hewldanên li dijî qedexeya hevdîtinê encam bê girtin. 

	 

	* Dayika Suleyam Kaçar ku di kemîna PDK'ê de jiyana xwe ji dest da Gulê Kaçar, bertek nîşanî êrişên Tirkiyeyê û hevkariya PDK'ê ya ji bo êrişên Tirkiyeyê da û ev tişt got: "Ger PDK û Barzanî wiha berdewam bikin wê axa di destê xwe de jî winda bikin. Êdî bila rê nedin dijmin û bila ji axa me bê derxistin."

	 

	* Malbatên ku xizmên xwe di qedexeyên derketina derve winda kirin, bertek nîşanî êrişên Tirkiyeyê yên li dijî Herêma Kurdistanê dan û ev tişt gotin: "Heke kurd tifaqa xwe ava bikin dê azadî û serxwebûn pêkan be."

	 

	* Şîranîfiroşin Amedê destnîşan kirin ku cara ewil e bi krîzek wiha mezin re rû bi rû mane û gotin, sedema vê krîzê û bihabûnê polîtîkayên şer ên desthilatê ne. 

	 

	* Ji niştecihên taxa Kitilbilê Fesîh Karakûzû, bertek nîşanî guhertina navê taxa wan ji aliyê qeyûmê Sûrê ve daev tişt got: "Destpêkê îstîmlaq kirin niha hî navê wê guhertin. Em ê destûr nedin vê û serî li darazê bidin."

	 

	* Li navçeya Qilebanê, doznameya derbarê parêzvanê Şaredarê AKP’ê yê bajaroka Dêrahinê Cemîl Yildiz ku dest dirêjî zarokeke 15 salî kiribû û 5 kesan de hat amadekirin. Di doznameyê de sûcdariya "Îstismara zayendî" , "Gef" , "Bêparhiştina ji azadiyê ya kes" , "Fûhûş" û "Tacîz" li bersûcan hat kirin.

	 

	* Nobeda Edaletê ya Malbata Şenyaşar dê di roja 469'emîn de berdewam bike. 

	 

	* Danişîna Doza Mûsa Anter dê li Dadgeha Cezayê Giran a Enqereyê ya 6'emîn bê lidarxistin. Piştî danişînê dê li avahiya ÎHD'a Enqereyê civîna çapemeniyê were lidarxistin. (10.15)

	 

	* Wekîla Seroka Koma HDP'ê Meral Daniş Beştaş têkildarî girtina 16 rojnamevanên kurd dê serdana DFG'ê bike. (12.00)

	 

	* Danişîna biryarê ya doza kujerê Pinar Gultekîn, Cemal Metîn Avci û bersûcên din dê li Dadgeha Muglayê bê lidarxistin. (10.00)

	 

	* Rêxistina HDP'ê ya Wanê têkildarî rewşa penaberan dê li Baroya Wanê panela bi mijara "Bandorên siyasî û sosyo-kulturel ên li ser koçberiya bi darê zorê" li dar bixe.  (14.00)

	 

	* Înîsiyatîfa Malbatên Pirsûsê ji bo 33 qurbaniyên hatin qetilkirin dê çalakiya xwe di hefteya 83'yemîn de li Cadeya Halîtaga ya li Kadikoya Stenbolê li dar bixe. (18.00)