
Careke din rapora nikare li girtîgehê bimîne dan Ozkan 

2022-06-21 16:36:19


	&nbsp;

	AMED - Careke din rapora nikare li girtîgehê bimîne dan girtiyê nexweş Mehmet Emîn Ozkan ku 27 sal in bi hinceta sûîqesta tuxgeneral Bahtiyar Aydin girtî ye.&nbsp;

	&nbsp;

	Careke din rapora nikare li girtîgehê bimîne dan yek ji hezar û 605 girtiyên nexweş Mehmet Emîn Ozkan ku 27 sal in bi hinceta sûîqesta tuxgeneral Bahtiyar Aydin girtî ye. Ji deh nexweşînan zêdetir nexweşînin Ozkan hene û hefteya borî ji ber rewşa wî giran bûbû hatibû xwestin ku ew rakin nexweşxaneyê. Lê ji ber ku nayê berdan nexwest biçe nexweşxaneyê. Piştî hevdîtina rêveberiya Girtîgeha Tîpa D a Amedê û parêzeran a pê re Ozkan qebûl kir ku wî rakin Nexweşxaneya Lêkolîn û Perwerde yê Gazî Yaşargîlê. Nexweşxanyê careke din rapora ku nikare li girtîgehê bimîne da Ozkan.

	&nbsp;

	NEXWEŞIYA DEMANSÊ

	&nbsp;

	Nexweşxaneyê di rapora xwe de balê kişand ser nexweşiya demansê ya Ozkan û destnîşan kir ku Ozkan nikare bi tena serê xwe pêwistiyên xwe bibîne û biçe daşirê û tiştan ji xwe bîr dike. Di raporê de hat diyarkirin ku nexweşiya dil, hîpertîroîdî, hîpertansiyon, koroner arter (KAH) û gurçikan bi Ozkan re heye. Her wiha di raporê de hat desntîşankirin ku Ozkan timik nexweş e û pêwîst dike cezayê wî heta salekê bê taloqkirin.

	&nbsp;

	SEWQÎ ATK'A STENBOLÊ KIRINE

	&nbsp;

	Piştî vê raporê Ozkan hefteya borî sewqî Saziya Tipa Edlî (ATK) ya Stenbolê hatiye kirin û piştî karên xwe yên li vir careke din wî anîne Girtîgeha Tîpa D a Amedê.&nbsp;

	&nbsp;

	ATK'ê jî rapora xwe ya derbarê Ozkan de hê temam nekiriye.&nbsp;

	&nbsp;

	&nbsp;

	&nbsp;

	&nbsp;

	&nbsp;