
'Tu hinceteke êrişên Tirkiyeyê tuneye'

2022-06-23 07:45:21


	&nbsp;

	NAVENDA NÛÇEYAN - Parlamentera Iraqê Kurde Omer, li dijî êrişên Tirkiyeyê yên li dijî başûrê Kurdistanê banga yekitiyê li Parlamentoya Iraqê kir û ev tişt got: "Tun hinceteke bombebarankirina Tirkiyeyê ya herêmê tuneye."

	&nbsp;

	Tirkiye, êrişên xwe yên ku di 17'ê nîsanê de bi hevkariya Partiya Demokrata Kurdistanê (PDK) li dijî herêmên Zap, Avaşîn û Metîna yên Herêma Kurdistanê dabû destpêkirin, didomîne. Parlementera Iraqê Kurde Omer derbarê van êrişên Tirkiyeyê de ji Rojnews re axivî. Omer, diyar kir ku êrişkirina Herêma Kurdistanê û kuştina welatiyan ne karekî mirovî ye û wiha got: "Em van karên nemirovane yên Tirkiyeyê şermezar dikin. Pêwîste welatên cîran rêz li xaka Herêma Kurdistan û serweriya Iraqê re bigrin."

	&nbsp;

	Di berdewama axaftina xwe de Omer, bang kir ku li dijî bombebaran û şehîdxistina welatiyan a ji aliyê Tirkiyeyê ve yekdengiyek hebe û ev tişt anîn ziman: "Ti hinceteke dewleta Tirk ku di bombebarana li Germiyan, Axceler û cihên din de welatiyan şehîd dixe nîne. Hêvî dikim ku di dema nû ya parlementoyê de em bikaribin li nav Parlementoya Iraqê de li dijî van êrişan yekdengiyek çêkin. &nbsp;Em van karên nemirovane şermezar dikin. Divê sinorek li pêş van êrişan were danîn."

	&nbsp;

	&nbsp;

	&nbsp;