
Îstasyonên bazê bandorê li tenduristiya gel dikin

2022-06-26 09:01:55


	&nbsp;

	AMED - Li Amedê îstasyonên bazê bandorek nebaş li tenduristiya gel dike. Hevserokê SES a Şaxa Amedê Şiyar Guldîken destnîşan kir ku li deverên ku îstasyonên bazê hene pençeşêr zêde bûye.&nbsp;

	&nbsp;

	Piştî di navbera Şaredariya Bajarê Mezin a Amedê ya qeyûm tayinî wê hatiye kirin û şîrketên operatorên tora sanal a mobîlê peymana "Peymana Mafê Bikaranîna Cih a Pergalên Elektronîk a Şaredariya Bajarê Mezin a Amedê" de hat îmzekirin li bajêr tu deve rnema ku îstasyonên bazê lê nehatine bicihkirin. Ev îstasyonên bazê hemû li qadên jiyanê ne.&nbsp;

	&nbsp;

	Hevserokê Sendîkaya Kedkarên Xizmeta Tenduristî û Civakê (SES) a Amedê Şiyar Guldîken bal kişand ser bandorên îstasyonên bazê yên li ser tenduristiya mirovan.&nbsp;

	&nbsp;

	Guldîken da zanîn ku li Îsraîlê di lêkolînekê de derketiye holê ku li herêmên ku îstasyonên bazê lê zêde ne nexweşîna pençeşêrê 3 qat zêdetir bûye.&nbsp;

	&nbsp;

	50 HEZAR ÎSTASYONÊN BAZÊ

	&nbsp;

	Bi domdarî Guldîken da zanîn ku li Tirkiyeyê nêzî 50 hezar îstasyonên bazê hene û wiha got: "Gava mirov li mezinahiya axa Tirkiyeyê û cihê ku ev îstasyonên bazê lê hatine çêkirin binêre, hema bibêje li ber serê me hemûyan îstasyoneke bazê heye. Em bi tîrêjên elktromanyetîk ên îstasyonên bazê û pêlên manyetîk re rû bi rû dimînin."&nbsp;

	&nbsp;

	LI KOLAN, PARK Û XAÇERÊYAN ÎSTASYONÊN BAZÊ

	&nbsp;

	Di berdewamê de Guldîken bilêv kir ku bi zêdebûna telefonên mobîl re berbelav bûne û li hemû kolan, minareyên mizgeftan, ser avahiyan, li parkan û xaçerêyan hatine çêkirin.&nbsp;

	&nbsp;

	BANDORA WAN

	&nbsp;

	Guldîken destnîşan kir ku îstasyonên bazê bandoreke pir nebaş li tenduristiya mirovan dikin û ev tişt anî ziman: "Bandorên wê yên derûnî, hestî û fîzîkî hene. Di warê derûnî de bandorê li stresê dike û ev yek dibe cihê raggeşiyê. Di warê fîzîkî de jî bi taybetî di guh de dibe sedema zêdebûna çingîniyê."&nbsp;

	&nbsp;

	Guldîken anî ziman ku îstasyonên bazê divê herî kêm deh metreyan dûrî jîngehan bin û divê li cihên jiyana hevpar neyên çêkirin.&nbsp;

	&nbsp;

	‘BANDORÊ LI ZAROKAN DIKE'

	&nbsp;

	Di berdewamê de Guldîken bilêv kir ku bi taybetî îstasyonên bazê bandorê li zarokan dikin û axaftina xwe wiha qedand: "Di lêkolîneke li ser zarokan de derketiye holê ku îstasyonên bazê di warê hînbûnê de û hîperaktîvîteyê de bandoreke nebaş li zarokan dikin. Di salên dawî de ji ber îstasyonên bazê û amûrên teknolojiyê nexweşîna dîsleksiyê zêde bûye. Yanî em dikarin bibêjin ku bandorê li ekosîstemê dike."&nbsp;