
Ketin û derketina gundên li herêma operasyonê hatin qedexekirin  

2022-06-27 09:42:40


	&nbsp;

	COLEMÊRG - Gelek wesayîtên zirxî û makîneyên kar sewqî herêma Astenga Reş a Geverê ku şerê dijwar lê diqewime hatin kirin. Ketin û derketina gundên li herêmê hatin qedexekirin.&nbsp;

	&nbsp;

	Li gundên Şîşemzîn, Xurekana Seyîda û Xurekana Temo yên bi ser navçeya Gevera Colemêrgê ve ku dikevin herêma Astenga Reş, operasyona leşkeri berdewam dike. Hat ragihandin ku sewqiyatek giran a leşkerî ji bo herêmê hatiye kirin û şerê dijwar diqweime.

	&nbsp;

	MAKÎNEYÊN KAR SEWQÎ HERÊMÊ HATIN KIRIN&nbsp;

	&nbsp;

	Leşkerên ku îro daxilî operasyonê hatin kirin, ji gundiyan re ragihandin ku dê sê rojan ketin û derketina gundan qedexe be. Vê serê sibehê jî gelek wesayîtên zirxî û maşîneyên kar sewqî herêmê hatin kirin.&nbsp;

	&nbsp;

	DÎSA WELATIYAN BIRIN HERÊMA OPERASYONÊ&nbsp;

	&nbsp;

	Ji 13 kesên duh di operasyonê de hatibûn binçavkirin 11 ji wan duh bi şev piştî îfadeyên dan Fermandariya Leşkeriyê ya Geverê hatin berdan. Demhat û Behçet Enguder ên birayên hev hê jî li Fermandariya Leşkeriya Navçeyê tên ragirtin. Hat ragihandin ku leşkeran, 11 welatiyên duh bi şev hatin berdan û hin welatiyên din vê sibehê dîsa birine herêma operasyonê. &nbsp;

	&nbsp;

	&nbsp;PEZÊ GUNDIYAN WINDA YE&nbsp;

	&nbsp;

	Hat ragihandin ku ji ber şivanên gundiyan hatine binçavkirin, 5 hezar pez winda bûye. Gundî hewl didin ku li pezê xwe bigerin lê leşker destûrê nadin.&nbsp;

	&nbsp;