
Polîsan li Stenbolê dîsa malbatên girtiyan binçav kirin 

2022-07-07 15:01:47


	STENBOL - Malbatên girtiyan li ber Edliyeya Stenbolê daxwaza edaletê kirin. Polîsan êrişî malbatan kir û wan kirin binçavan.

	&nbsp;

	Nobeda Edaletê ya malbatên girtiyên nexweş û girtiyên berdana wan hatiye taloqkirin di hefteya 16’emîn de li ber Dadgeha Çaglayana Stenbolê hatin cem hev. Malbatên girtiyên nexweş Cemîle Çîftçî, Kumrî Akgul û parlamentera HDP’ê ya Stenbolê Zuleyha Gulum û Dayikên Aştiyê tev li nobedê bûn.&nbsp;

	&nbsp;

	Malbatan xwest daxuyanî bidin. Polîsan bi hêceta qedexeya çalaki û şahiyan a Qeymeqamiya Kagithaneyê ve daxuyaniyê asteng kir. Parlamenter Zuleyha Gulum bertek nîşanî polîsan da û her roj destûra daxuyaniya tê dayîn lê tenê nahêlin malbatên girtiyan daxuyanî bidin. Malbatên girtiyan xwestin bimeşin lê polîsan ew asteng kirin.&nbsp;

	&nbsp;

	MALBAT HATIN BINÇAVKIRIN&nbsp;

	&nbsp;

	Malbatên girtiyan diyar kirin ku zarokên wan li hefsan terkî mirinê tên kirin. Polîsan êrişî malbatan kir û li Kumrî Akgul, Cemîle Çîftçî, Dayika Aştiyê Zeynep Calihan û kesek nav nehat hînbûn dan û kirin binçavan. Kêliya ku malbat hatin binçavkirin dirûşma “Bijî berxwedana zindanan” berz kirin.&nbsp;

	&nbsp;

	GULUM: WÊ NIKARIBIN TIŞTÊN LI GIRTÎGEHAN BINIXIMÎNIN&nbsp;

	&nbsp;

	Parlamenter Zuleyha Gulum bertek nîşanî polîsan da ku malbatan binçav kirin û destnîşan kir ku li vê holê niha polîs sepanên faşîst pêk tînin. Gulum da zanîn ku îktidar naxwaze tiştên li girtîgehan diqewimin were bihîstin û dê îktidar nikaribe ser tiştên li girtîgehan diqewimin biniximîne.&nbsp;

	&nbsp;