Mazlûm Ebdî salvegera Şoreşa Rojava pîroz kir  

2022-07-19 11:31:42


	 

	NAVENDA NÛÇEYAN – Fermandarê Giştî yê HSD’ê Mazlûm Ebdî salvegera 10’emîn a Şoreşa Rojava pîroz kir û got: “Parastina deskeftiyên şoreşê û mezinkirina tecrubeya demokratîk erka me ye, em ê vê rojê bikin starta pêngaveke nû.”

	 

	Li bajarên rojavayê Kurdistanê di 19’ê Tîrmeha sala 2012’an de di serî de gelê kurd hemû gelên li herêmê dijîn bi navê “Şoreşa Rojava” pêngavek dan destpêkirin. Bi ragihandina Şoreşa Rojava re li bajarên Bakur û Rojhilatê Sûriyê serdemek nû dest pê kir. Bi pêşengiya gelê kurd pergala Rêveberiya Xweser hat hat sazkirin. Vê şoreşê 10 sal li pey xwe hişt. Tevî hemû êriş, gef û neheqiyên mezin ên li ser axa Bakur û Rojhilatê Sûriyê jî Şoreşa Rojava 10 salî ye. 

	 

	Fermandarê Hêzên Sûriya Demokratîk (HSD) Mazlûm Ebdî li ser hesabê xwe yê Twitterê derbarê salvegera 10’emîn a Şoreşa Rojava de peyam belav kir. 

	 

	EBDÎ: EM Ê VÊ ROJÊ BIKIN STARTA PÊNAGEVEK NÛ 

	 

	Peyama Ebdî wiha ye: “Di 19 Tîrmehê de gelê me rêgezên jiyaneke nû û azad hilbijart û di oxira parastin û mezinkirina wê de, bi can û jiyana xwe fedekariyek bê hempa raber kir. Di 10’emîn salvegera şoreşê de, em hemû pakrewanên ku tevî astengî û dijminan, ev roj bi saya wan hat mezinkirin bibîr tînin û berxwedana gelê xwe silav dikin. Parastina deskeftiyên şoreşê û mezinkirina tecrubeya demokratîk erka me ye, em ê vê rojê bikin starta pêngaveke nû.”