Li Heskîfê du xwişk di golê de xeniqîn 

2022-07-23 15:57:46


	 

	ÊLIH - Li navçeya Heskîfê Fatma Tamûr û Evîn Taymûr ên xwişkên hev ji bo xwe hînik bikin ketin golê û xeniqîn. 

	 

	Li gundê Xirbekûr ê bi ser navçeya Heskîfa Êlihê ve Fatma Taymûr (25) û Evîn Taymûr (22) ên xwîşkên hev ku ketin golê, xeniqîn. Li gorî agahiyên hatin bidestxistin, malbata Taymûr ji bo biçe seyranê berê xwe dan kêleka Bendava Ilisûyê. Her du xwişkên hev ji bo xwe hînik bikin ketin gola avê û xeniqîn. Noqarên (dalgiç) ên şaredariyê çûn cihê bûyere û cenazeyên her du xwişkan ji avê derxistin. Cenazeyan ji bo karûbarên otopsiyê rakirin morga Nexweşxaneya Lêkolîn û Perwerdehiyê ya Êlihê. 

	 

	Hat zanîn ku têkildarî bûyerê lêpirsîn hatiye destpêkirin.