
Li Bursayê îşkence li zarokekî hat kirin 

2022-07-24 12:34:03


	&nbsp;

	BURSA - Kesa bi navê Kamûran Pinar A. li navçeya Nilûferê zarokek salekê di odeyeke tije çop de ragirt û îşkence li zarok kir. Kamûran Pinar A. hate binçavkirin.&nbsp;

	&nbsp;

	Welatiyê bi navê Aydin S. ê li navçeya Nilûfer a Bursayê bi hinceta ku kirêya malê nedayê, kesa bi navê Kamûran Pinar A. &nbsp;da dadgehê. Dadgehê jî biryar da ku Kamûran Pinar A. ji malê derkeve. Koma îcrayê bi alîkariya çilîngar deriyê malê vekir û kete hundir. Koma îcrayê li odeyeke deriyê wê girtî û tije çop de zarokekî 9 salî dît ku ser hişê xwe çûbû. Hat zanîn ku zarok biraziyê Kamûran Pinar A. ye û ev nêzî saleke di wê odeya tije çop de tê ragirtin. Zarok zeîf bûbû, nênik û pora wî dirêj bûbû û li ser laşê wî jî gelek birîn hebûn. Piştî destwerdana ewil a komên tenduristiyê, zarok bi ambulansê rakirin Nexweşxaneya Fakûlteya Tipê ya Zanîngeha Uludag a Bursayê û niha tê tedawîkirin.&nbsp;

	&nbsp;

	Polîsan piştî bûyerê dest bi lêpirsînê kir. Komên Midûriyeta Bajêr a Malbat û Polîtîkayên Civakî zarokê ku li nexweşxaneyê tê dermankirin xistin parastinê û Kamûran Pinar A. jî careke din hate binçavkirin.&nbsp;

	&nbsp;