
Bîçer: Divê Makbûle Ozer demildest were berdan

2022-07-25 14:07:06


	WAN - Di rapora ku pisporê Tiba Edlî Prof. Dr. Ûmît Bîçer amade kiriye de hat destnîşankirin ku Makbule Ozer a 80 salî ku girtî ye bi zehmet pêwendiyê datîne, gelek nexweşînên wê hene û divê cezayê wê bê taloqkirin.&nbsp;

	&nbsp;

	Makbûle Ozer a 80 salî ku nişteciha navçeya Artêmatanê ya Wanê ye, bi îdiaya “alîkariya rêxistinê kiriye” cezayê 2 sal û mehek lê hatibû birîn, erê bû û ji ber vê di 9’ê gulanê de bi hevjînê xwe Hadî Ozer re hat girtin. Ozer li Girtîgeha Wanê ya Tîpa T’yê ya Wanê tê ragirtin. Ozer li girtîgehê dikeve erdê û milek wê dişikê û milek wê jî diêşe. Makbûle Ozer tevî vê yekê û ji sedî 53 astengdar e jî nayê berdan. Komeleya Mafê Mirovan (ÎHD) a Şaxa Wanê derbarê Ozer de raporek amade kir. Her wiha ÎHD’ê nêrîna rapora pisporê Tiba Edlî Prof. Dr. Ûmît Bîçer jî li rapora xwe zêde kir.&nbsp;

	&nbsp;

	Di rapora ku ji aliyê Bîçer ve hatiye amadekirin de tê gotin rewş û siheta Ozer ne li gorî şert û mercên girtîgehan e û tê xwestin tavilê bê berdan. Bîçer di raporê de bal kişandiye ser nexweşînên Ozer û divê ew wek kesek astengdar were nirxandin. Di raporê de hat destnîşankirin ku Makbule Ozer a 80 salî ku girtî ye bi zehmet pêwendiyê datîne û ji ber rewşa wê û nexweşînên lazim e cezayê wê bê taloqkirin û rewşa wê lezgîn e.&nbsp;

	&nbsp;