
Rewşa zarokê ji ber teqemeniya leşkeriyê birîndar bûyî giran e 

2022-07-27 11:52:06


	WAN - Li Elbakê cihê leşkeriyê yê berê cîsmek bi zarok H.E. ve teqiya û E. bi giranî birîndar bû. Hat zanîn ku destê rastê yê H.E. jê bûye û rewşa wî giran e.&nbsp;

	&nbsp;

	Duh li Taxa Kiratî ya Elbak a Wanê di encama teqîna cîsmekî de zarokê bi navê H.E. yê 12 salî bi giranî birîndar bû. Malbatê H.E. rakirin Navenda Tipê ya Dursun Odabaşi ya Zanîngeha Yuzuncuyil a Wanê û li wir tê dermankirin. Ji bo derxistina parçeyên şarapnalê yên di serê H.E. de, duh hat emeliyatkirin. Di encama emeliyata 6 saetan de hinek parçeyên şarapnelan hatin derxistin û H.E. rakirin beşa lênihêrîna awarte. Li rexên rast û çepê yên rûyê H.E. birînên mezin çêbûne û rewşa wî giran e.&nbsp;

	&nbsp;

	Hat zanîn ku cihê teqîn lê çêbûye beriya niha wek qada leşkerî hatiye bikaranîn. Her wiha li heman deverê pîsta helîkopteran heye.

	&nbsp;

	Malbata H.E. piştî teqînê agahî dan ajansa me û diyar kirin ku destê rastê yê zarokê wan jê bûye. Her wiha malbatê got ku piştî teqînê ji bo alîkariyê bangî leşkeriyê kirine lê jê re nebûne alîkar.&nbsp;

	&nbsp;