
4 sal in lêpirsînek bibandor nehatiye kirin 

2022-07-29 13:32:50


	&nbsp;

	WAN- Malbat û parêzerê endezyarê jeolojiye Serhat Îhsan Dîcle ku di teqînek sala 2018’an de li Colemêrgê jiyana xwe ji dest dabû, bi hêceta ku lêpirsînek bibandor nehatiye kirin, serî li ÎHD’ê da.&nbsp;

	&nbsp;

	Li zozanên gundê Şîvelan ê bi ser Colemêrgê di 19’ê tebaxa 2018’an de di projeya gola avdaniyê de teqîn rû dabû û endezyarê jeolojiye Serhat Îhsan Dîcle jiyana xwe ji dest dabû. Bavê Dîcle, Alî Îhsan Dîcle û parêzer Huseyîn Elîş bi hêceta ku dozgeriyê lêpirsînek bibandor bi rê ve nebiriye serî li Komeleya Mafê Mirovan (ÎHD) a Şaxa Wanê da û li avahiya komeleyê daxuyaniya çapemeniyê dan. Serokê ÎHD’a Wanê Mehmet Karataş jî tev li civînê bû.&nbsp;

	&nbsp;

	DAXWAZA LÊPIRSÎNEK BIBANDOR&nbsp;

	&nbsp;

	Karataş diyar kri ku mafê herî bingehîn ê mirovan mafê jiyanê ye û ev maf gelek bi hêsanî li Tirkiyeyê tê binpêkirin.&nbsp;

	&nbsp;

	Alî Îhsan Dîcle jî anî ziman ku wî ji bo lêpirsîna bibandor a lawê xwe serî li hemû saziyan daye û lê bersiva wan nehatiye dayîn. Dîcle da zanîn ku li gel ev 4 sal in bi ser bûyerê re derbas bûye jî bûyer nehatiye ronîkirin û got: “Ez dipirsim, kî lawê min kuşt?”&nbsp;

	&nbsp;

	Parêzer Huseyîn Elîş jî paşê metna daxuyaniyê da û û destnîşan kir ku lêpirsîn hê jî didome û lê dozgeriyê heta niha lêpirsînek bibandor bi rê ve nebiriye.&nbsp;

	&nbsp;

	&nbsp;