
Emîne Îpek piştî 30 salan hate berdan

2022-07-30 14:40:36


	KOCAELÎ - Girtiya siyasî Emîne Îpek ku ev 30 sal bûn di girtîgehê de, piştî cezayê wê xelas bûy hate berdan.&nbsp;

	&nbsp;

	Girtiya bi navê Emîne Îpek ku li Girtîgeha Jinan a Gebzeyê dihat ragirtin, piştî 30 salan cezayê wê xelas bûy hate berdan. Îpek, di sala 1992’yan dema 18 salî ji hêla Dadgeha Ewlekariyê ya Dewletê (DGM) ve hate darizandin û bi îdiaya “Xerakirina yekitî û yekparetiya dewletê” 30 sal cezayê hefsê lê hat birîn.&nbsp;

	&nbsp;

	Piştî biryara girtinê jî şandina Girtîgeha Xarpêtê. Îpek, li gorî rêzê di girtîgehên Riha, Sêwas, Êlih û Çewlikê hate ragirtin. Herî dawî jî şandin Girtîgeha Jinan a Gebzeyê. Di vê pêvajoya 30 salan de Îpek gelek caran beşdarî çalakiyên greva birçîbûnê bû.&nbsp;

	&nbsp;&nbsp;

	BI GULAN HAT PÊŞWAZÎKIRIN

	&nbsp;

	Îpek li pêşiya girtîgehê ji hêla aktîvîstên Tevgera Jinên Azad (TJA), endamên Komeleya Dema Jinan e, endamên Meclisa Dayikên Aştiyê û rêveberên Komeleya Piştevaniya bi Malbatên Girtî û Hikûmxwaran a Marmarayê (MATUHAY-DER) ve bi gulan, çepik û tilîliyan hate pêşwazîkirin.&nbsp;

	&nbsp;

	Hat zanîn ku Îpek dê heta demekî li Stenbolê bimîne û piştre jî derbasî cem malbata xwe ya li Pasûr a Amedê bibe.&nbsp;

	&nbsp;