HDP'ê êrişên li ser saziyên elewiyan şermezar kir 

2022-07-31 13:38:51


	 

	ENQERE - Desteya Rêveberiya Navendî ya HDP êrişên li ser saziyên elewiyan ên li Enqereyê şermezar kir.

	 

	Desteya Rêveberiya Navendî (MYK) ya Partiya Demokratîk a Gelan (HDP) daxuyaniyek weşand û êrişên li ser saziyên elewiyan ên duh li Enqereyê rû dan şermezar kir. HDP'ê di daxuyaniyê got: "Di roja destpêkê ya rojiya Mûharremê de li dijî saziyên Elewiyan ên li Enqereyê êrişeke bi plan û organîzeyî hate kirin. Li Mamakê li Cemxaneya Şah-i Merdan di dema îbadetê de, li Cemxaneya Dayik Fatma ya Komeleyên Elewiyan a Demokratîk (DAD) a li Tûzlûçayirê, li Komeleya Gundê Gokçebelê û Komeleya Elewî Bektaşî ya Tirkmen êrişên nemerdane hatin kirin. Em van êrişan şermezar dikin."

	 

	Di daxuyaniyê de hate ragihandin ku bi gotin û daxuyaniyên desthilatdariyê yên li dijî elewiyan, êrişên li ser elewiyan û saziyên elewiyan rû didin û wiha hat gotin: "Ev êriş yekser pêwendiya xwe bi siyaseta desthilatdariyê ya dij bi elewiyan re heye. Canên me yên elewî bi tenê nînin. Heta ku berpirsyarên rasteqîn ên êrîiên li ser saziyên elewiyan bêne eşkerekirin û hesab bê prisîn têkoşîna me wê dewam bike."