
SES’a Amedê bi bernameyekê salvegera xwe pîroz kir

2022-08-01 22:49:29


	&nbsp;

	AMED - Şaxa SES’a Amedê bi bernameyekê&nbsp;salvegera damezrandina xwe ya 26’emîn li baxçeyê Şaxa Egîtîm Sen’a Amedê pîroz kir.&nbsp;

	&nbsp;

	Şaxa Sendîkaya Kedkarên Xizmetên Civakî û Tenduristiyê (SES) ya Amedê bi bernameyekê salvegera damezrandina xwe ya 26’emîn li baxçeyê Şaxa Sendîkaya Kedkarên Perwerde û Zanîstê (Egîtîm Sen) ya Hejmara 2’yan a Amedê ya li Taxa Dîclekent a navçeya Peyasa Amedê,&nbsp;pîroz kir.&nbsp;Endam û rêveberên SES’a Amedê, KESK'ê, Odaya Bijîşkan a Amedê û sazî û sendikayên sivîl ên civakî tev li şahiyê bûn. Li ber baxçê pankartên “Hûn bi xêr hatin pîrozbahiya salvegera me” , “Jin şîfa ye şîfa ked e”, “Kar û barên civakî yên bi zimanê dayikê mafekî mirovî ye”, “Me ji bo jiyaneke bi rûmet li ber xwe da em e li ber xwe bidin” û flamaya ku wêneyên endamên SES'ê yên jiyana xwe ji dest dane li ser bû hatin daliqandin.&nbsp;

	&nbsp;

	GELEK BERDEL HATIN DAYÎN

	&nbsp;

	Bernameya pîrozbahiyê bi rêz girtina dest pê kir. Di pîrozbahiyê de ewilî Hevseroka SES’ê Yildiz Ok Orak axivî. Orak, anî ziman ku 26 sal berê hebûn û wê ji niha ve jî hebin. Orak, bi lêv kir ku di nav 26 salan de gelek berdel dane lê tevî wan berdelan jî her tim hêza wan xurt bû û endamên wan jî hersal zedê bûn.&nbsp;

	&nbsp;

	Pişt re jî Şiyar Gultekin axivî. Gultekin, dest nîşan kir ku desthilatdar û pergala kapîtalizmê ji aliye tendûristiye ve dixwazê civakê paş ve bêxe û ew çiqas êrişên xwe berfireh bikin, ew jî dê ewqas tekoşîna xwe mezin bikin.&nbsp;

	&nbsp;

	SES BÛ DENGÊ CIVAKÊ

	&nbsp;

	Dû re Seroka Odeya Bijîşkan a Amedê Elîf Tûran jî axaftinek kurt kir. Turan, diyar kir ku SES ji avabûna xwe heta niha nirxên ku li ser ava bûye parastiye û got ku SES di heman demê de bûye dengê civakê jî.

	&nbsp;

	Pişt re jî berdevkê KESK’ê û Hevserokê Şaxa Egîtîm Sen’ê ya Hejmara 1’an a Amedê Zulkuf Guneş jî axaftinek kurt kir û 26 saliya SES’ê pîroz kir.&nbsp;

	&nbsp;

	BI SALAN E TÊDIKOŞIN

	&nbsp;

	Di dawiyê de ji yekemîn Serokê Giştî yê SES’ê Veysî Ozmen jî axaftinek kurt kir. Ozmen, tekoşîna sendîkayê ya bi salane dimeşînin bi bîr xist û girîngiya sendîkayê destnîşan kir.&nbsp;

	&nbsp;

	Piştî axaftinan sînevîzyona ku têkildarî salvegera SES’ê hatibû amadekirin hate pêşkeşkirin. Bername bi stranên stranbêj Derya Cengîz bi dawî bû.

	&nbsp;