
Makbûle Ozer dîsa birin girtîgehê

2022-08-02 19:00:06


	&nbsp;

	WAN - Makbûle Ozer a 80 salî ku rakiribûn nexweşxaneyê, piştî tedawiyê dîsa birin girtîgehê.

	Li dayika Makbule Ozer a 80 salî ku ji sedî 53 astengdar e, li Artemêtan a Wanê bi îdiaya “Endamtiya rêxistinê” 2 sal û mehek cezayê hefsê hate birîn û di 9’ê gulanê de hate girtin. Ozer, li Girtîgeha Tîpa T a Wanê tê ragirtin û piştî ku rewşa wê giran bûbû, rakiribûn Nexweşxaneya Perwerde û Lêkolînê ya Herêma Wanê.&nbsp;Dayika Makbûle ku rakiribûn nexweşxaneyê piştî tedawiyê dîsa birin girtîgehê.&nbsp;

	Ji bo ku Ozer cezayê xwe li malê derbas bike serlêdan hatibûn kirin lê belê Dadgeriya Înfazê ya Wanê û 1’emîn Dadgeha Cezayên Giran a Wanê ev daxwaz red kiribû. Li ser vê yekê parêzer Dîlan Kunt Ayan bi daxwaza “tevdîrê” serî li Dadgeha Qanûna Bingehîn dabû.&nbsp;

	&nbsp;