
Amed ji bo mitînga ‘Çareserî em in’ amade ye

2022-08-06 11:10:21


	AMED - HDP’ê amadekariyên mitînga ku dê îro li Qada Îstasyonê bi dirûşma “Çareserî em in, na ji şer û dagirkeriyê re” qedandin.&nbsp;

	Partiya Demokratîk a Gelan (HDP) amadekariyên mitînga xwe ya ku dê îro li Qada Îstasyonê bi dirûşma “Çareserî em in, na ji şer û dagirkeriyê re” li dar bixe, qedandin. Hemû rêyên derdikevin Cehdeya Akkoyunlu ku Qada Îstasyonê li wê derê ye, ji şevê din ve li trafîkê hatin girtin.&nbsp;

	&nbsp;

	Mijarên sereke yên mitîngê tecrîda girankirî ya li ser Rêberê PKK’ê Abdullah Ocalan, êrişên li dijî Herêma Federal a Kurdistanê, gefên li Bakur û Rojhilatê Sûriyeyê tên xwarin, rewşa girtiyên nexweş û yên înfaza wan hatine şewitandin û krîza aborî ye.&nbsp;

	&nbsp;

	LI HERÊMÊ XEBATA BÊNAVBER

	&nbsp;

	Di serî de li Amedê, HDP bi roja ye li her çar aliyên bakurê Kurdistanê bi gel re hevdîtinan dike û gel vedixwîne mitîngê. 25 parlamenterên HDP’ê bi rojan li 17 navçeyên Amedê bênavber xebat meşandin. Di xebatan de HDP’iyan pirsgirêkên gel guhdarî kirin, têkildarî rexne û pêşniyarên wan jî raporek amade kir. Di çarçoveya xebatan de duh li Rezan, Peyas û Sûrê meş hatin lidarxistin û banga tevlibûna mitîngê li gel hat kirin.&nbsp;

	&nbsp;

	GIRÎNGIYEKE MEZIN PÊ DIDIN

	&nbsp;

	HDP girîngiyeke mezin bi vê mitîngê dide û tê payîn ku ji Riha, Dîlok, Semsûr, Dêrsim, Êlih, Sêrt, Şirnex, Wan û gelek bajarên din ên bakurê Kurdistanê jî gelek kes tev li mitîngê bibin. Dê Hevserokê Kongreya Civaka Demokratîk (KCD) Berdan Ozturk, Hevseroka Giştî ya Partiya Herêmên Demokratîk (DBP) Saliha Aydenîz û Serokê Giştî yê HDP’ê Mîthat Sancar tev li mitîngê bibin. Mitîng saet di 17.00’an de dest pê dike.&nbsp;

	&nbsp;