
Rêveberiya Xweser a Herêma Firatê: Hêzên garantor ji êrişan berpirsiyar in 

2022-08-16 13:53:56


	NAVENDA NÛÇEYAN - Rêveberiya Xweser a Herêma Firatê têkildarî êrişên Tirkiyeyê li ser Kobanê daxuyanî da û got: "Aramanca êrişên dewleta Tirk, ji bo tirsandin û koçberkirina gel û valakirina herêmê ye. Hêzên garantor ên li herêmê berpirsên van êrişan in."&nbsp;

	Meclisa Rêveber a Rêveberiya Xweser a Herêma Firatê têkildarî êrişên Tirkiyeyê yên li ser Kobanê û derdora wê li ser hesabê xwe yê medya dîjîtal daxuyaniyek belav kir. Rêveberiya Xweser di daxuyaniya xwe de wiha got: "Niha Kantona Kobanê ji aliyê dewleta Tirk a dagirker û balafirên wê yên bêmirov ên biçek ve tê topbaran kirin. Di encamê &nbsp;encamê de gelek sivîl birîndar bûn û ziyanên madî çêbûn.

	&nbsp;

	Ev êrişên dewleta Tirk a dagirker berdewamiya nêzîkatiyên wê yên êrişkar ên ji bo tirsandin û koçberkirina gel û valakirina herêmê ye. Berpirsiyariya van êrişan dewletên garantor ango Rûsya û Koalîsyona Navneteweyî ne, ji ber ku parastina van herêman ji êriş û destdirêjiyan girtine ser xwe."

	&nbsp;

	HIŞYARÎ DAN XELKÊ

	&nbsp;

	Her wiha Nivîsgeha Ragihandinê jî li ser hesabê medya dîjîtal ên Rêveberiya Xweser hişyarî da xelkê û destnîşan kir ku ji ber bombebarana bêserûber ya Tirkiyeyê pêwîste her kes di malên xwe de bimîne.

	&nbsp;

	WELATIYEK DIN JÎ BIRÎNDAR BÛ&nbsp;

	&nbsp;

	Tirkiye ji danê sibehê ve navenda bajarê Kobanê û gundên li rojhilat û rojavayê wê topbaran dike. Di encama topbaranê de zarokek şehîd bû û 3 kes jî birîndar bûbûn. Her wiha hat ragihandin ku di êrişan de ciwanê bi navê Ela Îbo (19) li taxa Kobana Nû birîndar bûye.

	&nbsp;

	Hat diyarkirn ku topbarana li ser heêmê berdewam dike.&nbsp;

	&nbsp;