
Şandeya HDP’ê serdana Malbata Şenyaşar kir: AKP bêedaletiyê diafirîne 

2022-08-20 12:29:51


	&nbsp;

	RIHA - Şandeyek HDP’ê serdana Nobeda Edaletê ya Malbata Şenyaşar kir û şandeyê diyar kir ku AKP bêedaletiyê diafirîne û dê demek dirêj an kin de edalet bê û faîl cezayê heq kirine bistînin.&nbsp;

	&nbsp;

	Nobeda Edaletê ya Emîne Şenyaşar û lawê wê &nbsp;Ferît Şenyaşar (Malbata Şenyaşar) di roja 530’yemîn de li ber Edliyeya Rihayê berdewam kir. Dayik û lawê xwe tevî ku edliye ji ber dawiya hefteyê girtî ye jî dîsa hatin li ber avahiya edliyê nobedê girtin.&nbsp;

	&nbsp;

	Dayik û lawê xwe wêneyên ferdên malbata xwe û dovîza “503 roj in em ji bo jiyanek bi rûmet li benda edaletê ne” bi bariyeran ve daliqandin.&nbsp;

	&nbsp;

	Şandeya HDP’ê ku ji Wekîlê Serokê Koma HDP’ê Sarûhan Olûç, parlamenterên HDP’ê Mehmet Ruştu Tiryakî û Omer Ocalan û Dayikên Aştiyê pêk dihat serdana Malbata Şenyaşar kirin. Emîne Şenyaşar û lawê xwe Ferît derbarê têkoşîna xwe de şandeyê agahdar kirin.&nbsp;

	&nbsp;

	‘AKP BÊEDALETIYÊ DAIFIRÎNE’&nbsp;

	&nbsp;

	Sarûhan Olûç û Mehmet Ruştu Tiryakî di serdanê de axivîn û destnîşan kirin ku Wezareta Dadê û AKP nahêlin ku edalet were vî welatî û bêedaletiyê dafirînin û li her deverê belav kirine û her du sazî nîşaneya bêdaletiya Tirkiyeyê ne. Şandeya HDP’ê diyar kir ku di demek nêz an jî dirêj de be jî dê edalet were vî welatî û kujer cezayê heq kirine dê bistînin û her wiha dê doza malbatê ji nêz ve bişopînin.&nbsp;

	&nbsp;

	Şandeyê kêliyek li gel malbatê nobed girt û piştre ji ber avahiya edliyeyê veqetiya.&nbsp;

	&nbsp;