Şaredarê AKP’î yê ceza lê hatiye birîn vê carê çû serdana walî, dozger û dadger 

2022-08-22 19:05:54


	 

	ŞIRNEX - Şaredarê AKP'yî yê bi îdiaya "gendeliyê û bertîlwergirtinê" 3 sal û meh û 15 roj ceza lê hatibû birîn, vê carê Waliyê Şirnexê ziyaret kir.

	 

	Şaredarê Qilebanê yê AKP’yî Saît Ûrek ku di 6’ê Çileyê de ji aliyê Dadgeha Cezayê Giran a 1'ê ya Şirnexê ve bi hinceta "gendeliyê û bertîlwergirtinê" 3 sal û meh û 15 roj cezayê girtîgehê lê hatibû birîn, vê carê jî Waliyê Şirnexê Osman Bîlgîn ziyaret kir.

	 

	SERDANA DOZGER Û DADGER JÎ KIRIBÛ

	 

	Li aliyê din Ûrek di 17'ê Tebaxê de jî Serdozgerê Komarê Erencan Yilmaz û dadger Kûbra Arslanê  û Alî Severge jî ziyaret kiribûn û vê serdana xwe li ser hesabê xwe yê medyaya sanal jî belav kiribû.

	 

	ÇÛBÛ CEM SOYLÛ JÎ

	 

	Şaredarê Qilebanê Urek û Şaredara Hîlalê Cevher Benek ku hem ji ber sixtekariyê hem jî ber bertîlgirtinê dihatin darizandin û ceza girtibûn Wezîrê Karên Navxweyî Suleyman Soylu ziyaret kiribûn.