
Leşkeran agir berdan daristana gundê Marûnisê  

2022-08-29 15:09:25


	&nbsp;

	COLEMÊRG - Hate diyarkirin ku leşkeran agir berdane daristana gundê Marûnis ê girêdayî Colemêrgê ku 15 rojan şewat lê dom kiribû û beriya 3 rojan xwe bi xwe vemirî bû.

	&nbsp;

	Li gundê Marûnis ê girêdayî Colemêrgê carek din şewat derket. Di 12’ê Tebaxê de, di navbera endamên HPG’ê û leşkerên tirk de şer û pevçûnek qewimî bû. Piştî pevçûnê di heman rojê de leşkeran bi çekên giran herêma ku daristan û giyayên hişk lê zêdeye gulebaran kiribû û ji ber vê yekê agir bi daristanê keti bû. Hatibû ragihandin ku şewata li daristanên Marûnisê destpê kiribû û heya zozanên gundê Kûtos û herêma Çiyayê Şinê belav bûbû, di roja 15’emîn de xwe bi xwe vemirî bû. Di encama wê şewata 15 rojan domkiribû de, bi hezaran metrekareyan zêdetir daristan bûbû xwelî.

	&nbsp;

	Hate diyarkirin ku leşkerên ku derketine operasyonê û baregehên leşkerî bi çekên giran gule berdane daristana ku 15 rojan şewat lê domkiribû û dîsa agir berdane daristanê. Welatiyên li herêmê dan zanîn ku şewata duh danê nîvro dest pê kiriye, hêj didome û nehatiye vemirandin.&nbsp;

	&nbsp;