
Polîsan êrişî Dayikên Şemiyê kir û 13 kes kirin binçavan  

2022-08-30 16:08:13


	&nbsp;

	STENBOL - Dayikên Şemiyê xwestin li ser gora Hasan Ocak û Ridvan Karakoç windakiriyan bibîr bînin û polîsan êrişî xizmên windakiriyan &nbsp;kirin û 13 kes kirin binçavan.&nbsp;

	&nbsp;

	Dayikên Şemiyê û Komîsyona Windakiriyan a ÎHD’a Stenbolê bi wesîleya “Roja Kesên bi Darêzorê Hatin Windakirin a Navnetewî” li ser gora Hasan Ocak û Ridvan Karakoç ên li Goristana Altinşehîrê li hev kom bûn û xwestin windakiriyan bi bîr bînin. Gelek xizmên windakiriyan tev li bîranînê bûn û lê polîsan astengî derxist.&nbsp;

	&nbsp;

	Polîsan biryara qedexekirina daxuyanî û çalakiyan a Qeymeqamiya Kuçukçekmeceyê kir hêcet û diyar kir ku ew ê destûrê nedin daxuyaniyê. Girseyê di nava dorpêça polîsan de bertek nîşanî astengiya polîsan da û wêneyên windakiriyan hildan.&nbsp;

	&nbsp;

	BERTEK NÎŞANÎ POLÎSAN DA&nbsp;

	&nbsp;

	Parlamenterê HDP’ê yê Stenbolê Mûsa Pîroglû yê li derveyî dorpêçê ma xwest biçe cem girseyê lê polîsan ew bi mertalên xwe asteng kirin. Pîroglû bertek nîşanî polîsan da û got: “Tişta hûn dikin li dijî rûmeta mirovahiyê ye. Hûn nahêlin ku parlementerek daxuyanî jî bide.”

	&nbsp;

	13 KES KIRIN BINÇAVAN&nbsp;

	&nbsp;

	Polîs kêliyek şûnve êrişî girseyê kir û 13 kesan bi lêdanê kirin binçavan. Navên binçavkiriyan wiha ne: Seroka ÎHD’a Stenbolê Gulseren Yolerî, Masîde Ocak, Huseyîn Ocak, Alî Ocak, Besna Tosun, Hanim Tosun, Huseyîn Aygul, Hasan Karakoç, Hanîfe Yildiz, Ferît Barût û sê jinên navê wan nehat hînbûn.&nbsp;

	&nbsp;

	Mûsa Pîroglû bertek nîşanî binçavkirina parêzvanên mafê mirovan da û bang li her kesî kir ku li dijî vê hovîtiya polîsan derkevin.&nbsp;

	&nbsp;

	&nbsp;