ROJEVA 3'YÊ ÎLONA 2022'YAN

2022-09-03 09:00:30


	 

	 

	* Serokê ÎHD'a Şaxa Îzmîrê Zafer Încîn diyar kir ku binpêkirinên mafan ên di dema Rewşa Awarte de li girtîgehan didomin û divê girtîgeh ji aliyê heyetên serbixwe û bêalî ve bên kontrolkirin.

	 

	* Di rapora otopsiyê ya girtiyê bi navê Yilmaz Ekîncî de ku gardiyanan bi lêdanê ew biribûn odeya muşahadeyê û paşê hatibû derpêşkirin ku xwe kuştiye. Di raporê de hat diyarkirin ku darvekirin ne bi awayê bûyerên giştî ye divê jêpirsîna edlî bê destpêkirin. 

	 

	* Dadgeha Destûra Bingehîn biryar da ku cezayê îdarî pere yê ji ber beşdarbûna daxuyaniya çapemeniyê ya bi hinceta ewlehiyê hatiye qedexekirin hatiye birîn, binpêkirina "mafê civîn û xwepêşandanê" ye. 

	 

	* Songul Bûlde, ewilî wekî karker li atolyeyên xalîçeçêkirinê xebitî, lê piştî demekê 3 atolye vekirin. Bûlde ku niha tevî 50 jinan karê xwe didomîne, bi tevnên li ser xalîçeyan xêz dike, dîroka bajêr dide nasîn.

	 

	* Komîsyona Ciwanan a ÎHD a Şaxa Stenbolê, ji bo çareserkirina pirsgirêkên ciwanan, dê dest bi xebatên çalakiyan û atolyeyan bike.

	 

	* Nobeda Edaletê ya Malbata Şenyaşar dê di roja 544'emîn de berdewam bike. 

	 

	* Xizmên Windakiriyan û şaxên ÎHD'a Amed û Êlihê dê çalakiyên heftane bi dirûşma "Bila winda bên dîtin û faîl bên darizandin" li dar bixin. (11.00) 

	 

	* Dayikên Şemiyê ji bo li aqûbeta windakiriyan bipirsin û bi daxwaza faîl bên dîtin di hefteya 909'emîn de dê çalakiya xwe bi awayek online li dar bixin. (12.00) 

	 

	* Li Stenbol, Enqere û Îzmîrê rêveberên ÎHD'ê û parêzvanên mafê mirovan dê wek her hefteyê balê bikişînin ser rewşa girtiyên nexweş. (13.00)