
DMME: Pîrozkirina rojbûna Abdullah Ocalan ne sûc e 

2022-09-09 11:37:21


	NAVENDA NÛÇEYAN - DMME di dosyeya cezayê ji ber pirozkirina rojbûna Rêberê PKK'ê Abdullah Ocalan ku li Fehîme Ete hatiye birîn Tirkiyeyê mehkûmî tazmînatê kir.&nbsp;

	&nbsp;

	Li gor nûçeyeke JINNEWSê (http://jinnews41.xyz/TUM-HABERLER/content/view/194900) li Sêrtê 4 nîsana 2006’an ji ber rojbûna Rêberê PKK'ê Abdullah Ocalan pîroz kirin derbarê 9 kesên di rêveberiya Partiya Civaka Demokratîk (DTP) û endamên Komeleya Malbatên Girtî û Hikûmxwaran bi îdiaya “li gor armanca rêxistinê tevdigere û pesnê sûc û sûcdar dide” doz hate vekirin. Ji 9 kesan 8 jê hatin girtin û Fehîme Ete ya ku nehatibû binçavkirin, nehat girtin. 8 kes jî piştre hatin berdan. Dadgeh derbarê 9 kesan de 10 mehan ceza birî. Îtîrazên li van cezayan hatine kirin jî hatin redkirin.&nbsp;

	&nbsp;

	SERÎ LI DMME'YÊ TÊ XISTIN&nbsp;

	&nbsp;

	Parêzera Ete, Reyhan Yalçindag Baydemîr ji ber ku rêyên hiqûqa navxweyî hatin qedandin serî li Dadgeha Mafê Mirovan a Ewropayê (DMME) da. Di serlêdanê de ev agahî hatin parvekirin: “Rêveberên DTP'ê û endamên Komeleya Malbatên Girtî û Hikûmxwaran li Sêrtê di 4’ê nîsana 2016’an de şahiyek li dar xistine. Midûriyeta Polîsan a Sêrtê bi hinceta ku rojbûna Abdullah Ocalan hatiye pîrozkirin, &nbsp;giliyê ji Serdozgeriya Sêrtê kir û xwest bi sûcdariya ‘propagandaya rêxistinê hatiye kirin û pesnê sûc û sûcdar hatiye dayîn’ li gorî li Qanûna Têkoşîna Dijî Terorê (TMK) doz li karûbarên hatine kirin bê vekirin. Li ser vê yekê Serdozgeriya Sêrtê tevî serlêder Fehîme Ete derbarê 9 kesan de îdianame amade dike û li Dadgeha Cezayê Asliyeyê doz hatiye vekirin.”&nbsp;

	&nbsp;

	BIRÎNA CEZA WÊ MEXDÛR KIRIYE&nbsp;

	&nbsp;

	Di serlêdana ku hatiye kirin da hat destnîşankirin ku Ete û zarokên xwe bi mehan mexdûr bûye û ev tişt hatin gotin: “Serlêder Ete ji ber cezayê li wê hatiye birîn yek jê nexweş ji lênêrîna 7 zarokên xwe berpirsyar e bi 7 zarokên xwe ve nekariye bi mehan biçe mala xwe. Di her kêliyê de bi tirsa ku dê bikeve girtîgehê jiyaye û derbarê cezayê wê yê ku hatiye êrêkirin şûnda li gor rêzika 6 mehan de wek takekesî ser li dadgehê daye. Muwekîla me heya ku hin qanûnên tedbîr hatine amadekirin tim neçar maye ku xwe veşêre û ji ber vê yekê mexdûr bûye.”

	&nbsp;

	TIRKIYE HAT MEHKÛMKIRIN

	&nbsp;

	DMME derbarê serlêdanê de berî 2 rojan biryar da. Di biryarê de hat destnîşankirin ku li gorî madeya 10’emîn a Peymana Mafê Mirovan a Ewropayê ji ber pîrozkirina rojbûna Rêberê PKK'ê Abdullah Ocalan, birîna pasteyê, binçavkirin û ceza dayîn binpêkirina mafê xwe îfadekirinê ye. DMME'yê Tirkiyeyê li hemberî Ete mehkûmê tazmînata manevî ya 2 hezar Euro kir. Dîsa ji ber lêçûnên, dadgehê biryar da ku Tirkiye hezar 500 Euro lêçûnên dadgehê jî razîne.&nbsp;

	&nbsp;