
Li dijî karkerên kurd êrişa çekdarî: Karkerek hat kuştin û yek jî birîndar bû


2022-09-11 22:40:47


	&nbsp;

	&nbsp;

	KASTAMONU - Li navçeya Cîde ya Kastamonuyê li dijî karkerên kurd êrişa çekdarî hat kirin. Di encama êrişê de karkerek hat qetilkirin û yek jî birîndar bû.

	&nbsp;

	Li navçeya Cîde ya Kastamonuyê dema karkerên kurd ên Êlihî yên bi navên Abdurrahman Bîrgun (47) û Hamît Oran (33) kar û barê boyaxkirina avahiyeke 3 qatî dikir, rastî êrişa çekdarî ya xwediyê malê Serhat O. hatin.

	&nbsp;

	Dema karkerên kurd ji bo destpêkirina kar li jêrzemîna avahî cil û bergên xwe diguherandin, rastî êrişa çekdarî ya xwediyê malê Serhat O. hatin. Di encama êrişê de her du karker jî bi giranî birîndar bûn.

	&nbsp;

	Li ser îxbarê, ber bi cihê bûyerê ve ambulans hatin veguhestin û karkerên birîndar rakirin Nexweşxaneya Dewletê ya Cîdeyê. Ji karkeran Abdurrahman Bîrgun jiyana xwe ji dest da û rewşa Hamît Oran jî giran e.

	&nbsp;

	Piştî qewimîna bûyerê, êrişkar Serhat O. ji hêla cendirmeyan ve hate binçavkirin. Bi dawîbûna kar û barên li qereqolê, êrişkar Serhat O. sewqî edliyeyê hate kirin.&nbsp;