Nûnerê DBP’ê yê Mêrsînê Încî hate girtin

2022-09-16 13:42:10


	 

	MÊRSÎN - Nûnerê DBP'ê yê Mêrsînê Metîn Încî hate girtin û 2 jin jî hatin binçavkirin. 

	 

	Nûnerê Partiya Herêmên Demokratîk (DBP) ê Mêrsînê Metîn Încî di 13’ê îlonê de hate binçavkirin. Piştî kar û barên îfadegirtinê, Încî duh bi şev sewqî edliyeyê hat kirin û dozgeriyê bi daxwaza girtinê sewqî Dadgeha Cezayên Silhê ya Mêrsînê hat kirin. Piştî kar û barên îfadeyê, Încî bi hinceta “Endaman tev li rêxistinê dike” hate girtin û şandin Girtîgeha Tîpa T ya Tarsûsê. 

	 

	2 JIN HATIN BINÇAVKIRIN

	 

	Li aliyê din di serdegirtinên malan ên li navçeya Akdenîzê de 2 jin hatin binçavkirin. Hat zanîn ku her du jin bi îdiaya “endamên YPG’ê ne” hatine binçavkirin û birin Midûriyeta Emniyetê. Di heman demê de kar û barên îfadegirtinê yên 10 karkerên Şaredariya Bajar a Mezin a Mêrsînê ku bi îdiaya “propagandaya rêxistinê" hatibûn binçavkirin jî didome.