
Li Stenbolê 9 kesên daxwaza perwerdehiya bi zimanê dayikê dikirin hatin binçavkirin 

2022-09-16 16:54:09


	&nbsp;

	STENBOL - Endamên HDP’a Esenyurtê bi daxwaza perwerdeya bi zimanê dayikê çalakî li dar xist. Polîsan êrişî çalakvanan kir û 9 kes ji pişt ve hatin kelemçekirin û binçavkirin.&nbsp;

	&nbsp;

	Rêxistina Partiya Demokratîk a Gelan (HDP) a Esenyurt a Stenbolê bi daxwaza “perwerdeya bi zimanê dayikê” li hemberî Dibistana Seretayî ya Îbrahîm Aydin daxuyanî da. Polîsan êrişî çalakvanan kir û 9 kes ji piştve kelemçe kirin û bi îşkenceyê binçav kirin.&nbsp;

	&nbsp;

	LI PÊŞ ÇAVÊN ZAROKAN HATIN DERBKIRIN

	&nbsp;

	Di dema binçavkirinê de pozê welatiyê bi navê Metîn Burukan şikest û Gamze Kaya jî li pêş çavên 3 zarokên xwe hat derbkirin û binçavkirin. Di dema derbkirinê de Ayten Yilmaz bi ser hişê xwe çû.&nbsp;

	&nbsp;

	Navên kesên hatine binçavkirin wiha ne: “Gamze Kaya, Çayan Yilmaz, Dînçer Gun, Metîn Burukan, Medet Duzenlî, Sînan Polathan, Mûrat Guven, Ayten Yilmaz û Welat Ekmekçî.”&nbsp;

	&nbsp;

	Kesên hatine binçavkirin piştî kontrala tenduristiyê ya li Nexweşxaneya Dewletê ya Beylîkduzuyê, derbasî Qereqola Polîsan a Kiraçê hatin kirin.&nbsp;

	&nbsp;