ROJEVA 19'Ê ÎLONA 2022'YAN 

2022-09-19 09:00:00


	 

	 

	* Midurê polîsan Erdogan Tetîk ê di doza Kemal Kûrkût de îfadeyên binakok dan, berovajiyê îfadeya xwe ya ewil got ku di destê Kûrkût de ne kêr, perend a cureyekî şûrê ye hebû. 

	 

	* Parlamenterê HDP’ê Mahmût Celadet Gaydali, diyar kir ku wezaretê bi gotina “Em daristanê ciwan dikin” birîna daran a nêzî saleke li Herêma Çiyayê Gerzevel a girêdayî navçeya Hîzanê didome parast. 

	 

	* Parêzer Eylem Arzû Kayaoglû, bal kişand ku ji bo hawira şer bi dawî bibe divê ji hevdîtinên bi Abdullah Ocalan re rê bên vekirin û destnîşan kir ku ev daxwaza raya giştî ya demokratîk e. 

	 

	* ŞanoWan xwe ji 3’yemîn Mîhrîcana Şanoyê ku dê gelek komên şanoyê tev li bibin û di navbera 23-30’ê îlonê de bê lidarxistin re amade dike. 

	 

	* Nivîskar Amed Tîgrîs tekildarî perwerdehiya bi zimanê kurdî anî ziman ku perwerdehiya bi zimanê kurdî di destê kurdan de ye û got: “Divê li her tax û kolanê dezgehên kurdan ên ji bo perwerdehiyê hebin. Em li malê û li derve bi kurdî biaxivin.”

	 

	* Welatiyên ku ji çar aliyê Tirkiyeyê û Bakurê Kurdistanê beşdarî meşa Cûdî bûn diyar kir ku divê herkes li pêşiya talana xwezayê bisekinin û gotin: "Destên xwe yên qirêj li ser xwezaya me bikêşin."

	 

	* Çalakiya Nobeta Edaletê ya malbata Şenyaşar di roja 560’emîn de berdewam dike. 

	 

	* Danişîna doza derbarê rojnamevan Hatîce Şahîn de hatiye vekirin, dê li 9’emîn Dadgeha Cezayê Giran a Amedê bê dîtin. (09.00-17.00)

	 

	* Doza derbarê Hasîp Akbûlût ê li navçeya Bismilê Mûhterem Akbûlût qetil kir de hatiye vekirin, dê li 8’emîn Dadgeha Cezayê Giran a Amedê bê dîtin. (09.00-17.00)

	 

	* HDP, wê li navçeya Bûcaya Îzmîrê û navçeya Marmarîs a Mûglayê civînên gel li dar bixe. (17.00-19.00)

	 

	* Platforma Jinan a Dîcle Amedê (DAKAP), dê têkildarî qetilkirina Masha Amînî ya ji aliyê hêzên pergala Îranê ve li Parka Xezalê daxuyaniyê bide çapemeniyê. (17.30)