
Xwediyê Îmtiyazê yê rojnameya Xwebûnê Esen: Destdanîna ser rojnameyan pêkanînên salên 90’î ye 

2022-09-20 11:46:06


	&nbsp;

	AMED - Xwediyê îmtiyazê yê rojnameya Xwebûnê Kadrî Esen, diyar kir ku destdanîna ser rojnameyan a polîsan pêkanîna salên 90’î ye û bang li gel kir ku li yekane rojnameya ku weşana kurdî dike xwedî derkevin.&nbsp;

	&nbsp;

	Polîsan di 17’ê îlonê de li otogara Amedê 100 rojnameyên hejmara 144’emîn a rojnameya Xwebûnê desteser kirin û destûr nedan ku rojname ji Mersînê re bên şandin. Polîsên ku bêyî hincetekê nîşan bidin nehişt firmaya otobûsê rojnameyan bibe, dest danîn ser rojnameyê.&nbsp;

	&nbsp;

	Xwediyê Îmtiyaza Rojnameya Xwebûnê Kadrî Esen bertek nîşanî vê yekê da û bi lêv kir ku tiştên hatine qewimîn pêkanînên salên 1990’î ne. &nbsp;

	&nbsp;

	Esen, da zanîn ku rojnameya Xwebûnê ku heftane weşane dike ji hemû bajarên kurdan re dişînin û diyar kir ku bêyî hincet nîşan bidin polîsan dest danîn ser 100 rojnameyên hejmara 144’emîn.&nbsp;

	&nbsp;

	DIVÊ BI AWAYEKÎ AZAD BÊ XWENDIN&nbsp;

	&nbsp;

	Esen got ku ‘kurdîbûna rojnameya me nikare bibe sedemê desteser kirinê’ û xwest ku Rojnameya Xwebûnê bigihe her derê û herkesê û bi lêv kir ku bi vê yekê mafê agahî girtinê yê kurdî tê astengkirin. Esen, destnîşan kirin ku bi van pêkanînan nikarin gihiştina rojnameyê ya gel asteng bikin û wiha got: “Divê rojnameya Xwebûnê bi awayekî azad bê xwendin.”

	&nbsp;

	PÊKANÎNÊN SALÊN 90’Î

	&nbsp;

	Esen, da zanîn ku têkildarî dest danînê nehatine agahdar kirin û bi lêv kir ku dê giliyê kesên ji vê rewşê berpirsyar bikin. Esen ê desteserkirina rojnameyan şibande pêkanînên salên 90’î ev tişt gotin: “Di salên 90’î de rojnamevan dihatin qetilkirin û dest danîn ser rojnameyan. Ji bo ku rojnameyên kurdî û tirkî neyên Kurdistanê heman pêkanîn hebûn. Tevî ku em di sala 2022’yan de jî ne heman pêkanîn hene. Li vir armanc ew e ku asteng bikin geşedanên nû ji aliyê gelê kurd ve bên zanîn. Bi van pêkanînên re armanc dikin ku tiştên li Kurdistanê diqewimin bi çavên hikumet û çapemeniya tirk hîn bibin û rastî neyên zanîn.”

	&nbsp;

	‘DIVÊ BERTEK NÎŞANÎ ZEXTAN BÊN DAYÎN’&nbsp;

	&nbsp;

	Esen, bang kir ku xwedî li Xwebûna ku yekane rojnameya bi kurdî weşanê dike bê derketin û wiha dirêjî da axaftina xwe: “Dibe hincetên nû ji rojnameyên hatine desteserkirin re bên dîtin, di pêvajoya ji niha û şunde rojnmae bêyî hincet bê nîşandan bên desteserkirin. Ev ne tenê pirsgirêka rojnamevanên kurd e, divê hemû gelê kurd bertekê nîşanî vê bide û ji zextên li ser rojnameyên xwebûnê re bibin asteng.”

	&nbsp;

	ROJNAMEVANTIYA KURDÎ WÊ DI HER ŞERTÎ DE BERDEWAM BIKE

	&nbsp;

	Esen, bal kişand ku di salvegera zanayê kurd Mûsa Anter (Apê Mûsa) de rojname hatine desteserkirin û axaftina xwe wiha bi dawî kir: “Piştî 30 salan tenê ji ber rojnameyeke bi zimanê kurdî, li Kurdistanê weşanê dike hate desteserkirin. Armanc ew e ku li Kurdistanê rojnamevaniya kurdî neyê kirin. Lê bila ev yek baş bê zanîn ku wê rojnamevaniya kurdî di her şertî de berdewam bike.”

	&nbsp;

	&nbsp;