
Bi sedema şala kesk, sor û zer 6 hezar TL cezayê pereyan dan

2022-09-20 12:50:10


	&nbsp;

	HATAY - Bi hinceta ku di pîrozbahiya Newrozê de şala bi rengên kesk, sor û zer li xwe kiriye, derheqê Feleknaz Aslan de bi îdiaya “propagandaya rêxistinê” doz hatibû vekirin û 10 sal cezayê hefsê lê hat birîn. Dadgehê cezayê hefsê veguherand cezayê pereyan û 6 hezar TL ceza da.&nbsp;

	&nbsp;

	Bi hinceta ku di Newroza 22’yê Adara 2015’an a li navçeya Dortyol a Hatayê de şala bi rengên kesk û sor û zer xistiye serê xwe, derheqê Feleknaz Aslan de bi îdiaya “propagandaya rêxistinê” doz hatibû vekirin. Yekemîn danişîna dozê li 3’yemîn Dadgeha Cezayên Giran a Hatayê hat dîtin. Parastina Aslan beriya niha hatibû girtin lewma beşdarî danişînê nebû lê parêzera wê Mehtap Sert di danişînê de amade bû.&nbsp;

	&nbsp;

	Dozger, di danişînê de mutalaaya xwe da şandeya dadgehê û bi îdiaya “propagandaya rêxistinê kiriye” xwest ku Aslan bê cezakirin.&nbsp;

	&nbsp;

	‘HÊMAYÊN SÛC ÇÊNEBÛNE’&nbsp;

	&nbsp;

	Parêzer Mehtap Sert jî diyar kir ku di dosyayê de ji hêla usûl û esasê ve tiştên cuda hene û wiha got: “Di dema îfadegirtina li cem hêzên ewlekariyê de mafên wê yên parêzer û wergêr nehatine bibîrxistin. Ji ber ku xwendin û nivîsandina wê nebû, di îfadeya wê de şopa tiliya wê hatiye standin. Miwekîla min parçeyeke şaleke dirêj girtibû û ji ber ku hêmayên sûc çênebûne, dixwazin miwekîla min were berdan.”&nbsp;

	&nbsp;

	6 HEZAR TL CEZA DAN&nbsp;

	&nbsp;

	Şandeya dadgehê jî piştî parastina parêzer Sert, bi îdiaya “propagandaya rêxistinê” 10 meh cezayê hefsê da. Lê dadgehê ev ceza veguherand cezayê perayan û 6 hezar TL cezayê pereyan da.&nbsp;

	&nbsp;

	DANIŞÎN HAT TALOQKIRIN&nbsp;

	&nbsp;

	Bi sedema ku di pîrozbahiya Newroza 22’yê Adara 2015’an û Newroza 20’ê Adaraê de şala bi rengên kesk, sor û zer li ser bûn, derheqê Şahîde Orman Ozek de jî bi îdiaya “propagandaya rêxistinê” doz hatibû vekirin. Danişîna doza Ozek jî li 3’yemîn Dadgeha Cezayên Giran a Hatayê hat dîtin. Ozek beşdarî danişînê nebû lê parêzera wê Mehtap Sert amade bû. Parêzer Sert, da zanîn ku miwekîla wê nexweşe lewma nekarî beşdarî danişînê bibe û ev tişt anî ziman: “Çalakiya wê, lîstina govendê ye. Armanca wê ne ew e ku kesekî teşwîqî tundiyê bike an jî pesnê tundiyê bide. Jixwe Newroza di 2015’an de li gorî TCK’ê nabe sûc. Dixwazim miwekîla min beraet bike.”&nbsp;

	&nbsp;

	Dadgehê bi sedema ku kêmanî di dosyayê de heye, danişîn taloqî 1’ê kanûnê kir.&nbsp;

	&nbsp;

	Di danişîna doza behsa xeberê ya 28’ê hezîranê de şandeya dadgaehê bi îdiaya ku dayika Ozek a 68 salî Mencî Orman bi şala rengên kesk, sor û zer “propagandaya rêxistinê” kiriye, 10 sal cezayê hefsê dabû û biryar dabû ku ev ceza bê taloqkirin.&nbsp;

	&nbsp;