
'Keça Manewî' ya Erdogan neguhêzbara ku desteser kiribû kir mêvanxane

2022-09-26 09:02:18


	&nbsp;

	ŞIRNEX - Avahiya dîrokî ya di dema qeyûmê berê yê Cizîrê de ji bo Hatîce Atan a AKP'î ku weke 'Keça Manewî' ya Erdogan tê naskirin hatibû terxankirin, niha weke mêvanxane AKP'î lê tên pêşwazîkirin.&nbsp;

	&nbsp;

	Qeyûmê ku di 17'ê mijdara 2016'an de tayînî Şaredariya Cizîrê ya Şirnexê hatibû kirin, neguhêzbara dîrokî ya şaredariyê ya li taxa Kaleyê, ji bo Komeleya Geşepêdan, Çand û Hûnerê ya Birca Belek ku serokatiya wê Hatîce Atan a AKP'î ku weke 'Keça Manewî' ya Erdogan tê naskirin dikir, &nbsp;terxan kiribû. Di sala 2019'an de piştî HDP'ê Şaredariya Cizîrê qezenc kiribû, ji Atan xwestibû ku avahiya dîrokî vala bike. Lê Atan hişyariya ku şaredariyê jê re şandibû guhdar nekiribû û avahî vala nekiribû. Avahiya ku Atan vala nekiribû niha ji bo AKP'iyan weke mêvanxane tê bikaranîn.&nbsp;

	&nbsp;

	MÊVANXANEYA AKP'IYAN!

	&nbsp;

	Avahiya dîrokî ku ji gel re qedexe ye, tenê li ser daxwaza Atan tê vekirin. Atan, xebatên xwe yên &nbsp;komeleyê û her wiha parlamenterên AKP'ê, jinên AKP'î û serokên komeleyên nêzî AKP'ê li vir pêşwazî dike. Heta niha Atan, Orhan Mîroglû ê AKP'î, Serokê Komeleya Werzîşên Xwezayê û Raftîngê ya Kato Elkê ya Şirnexê Serdar Gokçe, Serokê Daîreya Midûriyeta Giştî ya Alîkariyên Civakî ya Wezareta Xizmetên Civakî û Malbatê Samî Sumer jî di nav de gelek AKP'î li vir pêşwazî kiriye.&nbsp;

	&nbsp;

	HEMÛ KARÊN XWE LI VIR DIKE

	&nbsp;

	Atan, bi pêşwazîkirina AKP'iyan re hemû kar û xebatên xwe yên komeleya ku serokatiya wê dike û peywirên xwe yên partiyê jî li vir bi rê ve dibe.&nbsp;

	&nbsp;