
Hiqûqnasan qetilkirina Akarsel şermezar kirin û gilî kirin 

2022-10-07 16:18:32


	&nbsp;

	AMED - OHD'ê qetilkirina rojnamevan Nagîhan Akarsel şermezar kir û derbarê êrîşa polîsan ya di çalakiya ji bo qetilkirina Nagîhan Akarsel de hatiye kirin de gilî kirin.&nbsp;

	&nbsp;

	Şaxa Komeleya Hiqûqnasên ji bo Azadiyê ya Amedê, qetilkirina endama Akademiya Jineolojiyê rojnamevan Nagîhan Akarsel şermezar kir. OHD'ê êrişa polîsan a li dijî çalakiya qetilkirina Akarsel a di 4'ê cotmehê de pêk hatî jî protesto kir. Şaxa Komeleya Mafên Mirovan (ÎHD) a Amedê, Baroya Amedê, Nûnertiya Weqfa Mafên Mirovan a Tirkiyeyê piştgirî da daxuyaniya OHD'ê ya li ber Edliyeya Amedê hate dayîn. &nbsp;

	&nbsp;

	QETILKIRINA NAGÎHAN AKARSEL HATE ŞERMEZAR KIRIN

	&nbsp;

	Rêvebera Şaxa OHD’ê ya Amedê Sûzan Akîpa daxuyanî xwend. Akîpa, diyar kir ku rojnamegera kurd Nagîhan Akarsel li bajarê Silêmaniyê ber deriyê mala xwe hate qetilkirin û got: "Em wek OHD’ê, qetilkirina Nagihan Akarsel ya kesayetek avakerê dirûşmeya 'jin, jiyan, azadî' ya bûye sembola xwepêşandanên Îranê şermezar dikin, Ev qetlîam e, berdewamiya êrîşên sîstematîk yên pergala mêr-dewlet û netew-dewletên li hemberî azadiya jinan e.”

	&nbsp;

	Akîpa, bi bîr xist ku li dijî vê êrîşê wek gelek bajaran li Amedê Parka Xezalê jî daxuyaniyek hat dayîn û wiha berdewam kir: “Di destpêka daxûyaniyê de girseya ku endamên me jî di nav de bûn hat dorpêçkirin û bi awayekî keyfî hat mudaxalekirin. Dîsa di destpêkê de endamên çapemeniyê û partiyên siyasî hatin binçavkirin, girse hate dorpêçkirin û ne hiştin belav bibin û bi awayekî keyfî xwestin wan binçav bikin. Ji ber vê yekê endamên me 40 parêzer çûn cîhê bûyerê û bertek nîşanî vê muameleya keyfî dan. Li hember vê yekê hêzên ewlekariyê bi mertalan mudaxale kirin û ji nêz ve gaza îsotan avêtin parêzeran. Ji ber vê êrîşe gelek endamên me û gelê sivîl ketin rewşekî nexweş û birîndar bûn. Ji bo ku derbarê polîsên êrişkar de lêpirsînên edlî û îdarî bên dest pê kirin serî li Serdozgeriya Komarê ya Amedê hatiye dayîn. Em ê şopdarên pêvajoya hiqûqî bin.”

	&nbsp;

	‘EM TÛ CAR SERÎ NA TEWÎNIN’

	&nbsp;

	Akîpa axaftina xwe wiha bi dawî kir: “Em wek OHD’ê li dijî tevahî bêhiqûqiyan û êrîşên li hember jinan sekna xwe tû carê nagûherînin û li her qadê tekoşîna xwe berdewam bikin. Em bi pratîka xwe ya hiqûqa azadîxwaz, ne tenê li edliyeyan, eywanên dadgehan, navendên binçavkirina, li her derê û her qada jiyanê li dijî neheqî û bêhiqûqiyan dê tekoşîna xwe ya hiqûqî berdewam bikin.”

	&nbsp;

	Çalakî bi dirûşmeya “jin, jiyan, azadî” û çepikan dawî bû.

	&nbsp;

	&nbsp;