
Parlementera HDP'ê Guzel ji bo jinên hatine qetilkirin porê xwe jê kir 

2022-10-07 22:46:24


	&nbsp;

	NAVENDA NÛÇEYAN - Parlementera HDP'ê Semra Guzelê ku parêzbendiya wê hat betalkirin, têkildarî qetilkirina Nagîhan Akarsel û Jîna Mahsa Amîniyê peyamek rê kir.&nbsp;

	&nbsp;

	Guzel ku di Girtîgeha Marmarayê (Sîlîvrî) de bi tena serê xwe di hucreyekê de ye, têkildarî qetilkirina Jîna Mahsa Amîniyê ya li Îranê hat qetilkirin û Endama Navenda Lêkolînên Jineolojiyê Nagîhan Akarselê ya li Silêmaniyeyê hat qetilkirin bi rêya parêzerên xwe peyamek rê kir.&nbsp;

	&nbsp;

	Guzelê ku bi jêkirina porê xwe qetilkirina Amîniyê şermezar kir di peyama xwe de wiha gotiye: "Serdestiya zilamsalarî her ku ji jinan ditirse, êrişên xwe didomîne. Ewilî Jîna Amînî, niha jî Nagîhan Akarsel. Bêtehamuliya li hemberî jinên berxwedêr, jinên azad û jinên kurd didome. Lê ne duh ne jî îro, me tu carî serî netewand û dest jê berneda. Em li ku derê dibin bila bibin, em ê ji bo cîhaneke wekhev û azad bitêkoşin, em ê bibêjin 'Jin, Jiyan, Azadî' û têkoşîna azadiya jinê bilind bikin. Hemû jinên hatine qetilkirin bi rêzdarî bibîr tînim û sersaxiyê ji malbatên wan û hezkiriyên wan re dixwazim."

	&nbsp;

	Parlementera Partiya Demokratîk a Gelan (HDP) a Amedê Semra Guzel ku parêzbendiya wê hatibû betalkirin, di 3'yê Îlonê de hatibû girtin.&nbsp;

	&nbsp;

	&nbsp;