
Cenazeyên HPG’iyan 16 roj in li ATK’ê tên rawestandin 

2022-10-11 13:46:09


	&nbsp;

	EDENE - Cenazeyên endamên HPG’ê Dîlara Urper û Emek Feremez Hisên ku di çalakiya li dijî Malapolîsan a Tece ya li Mêrsînê de jiyana xwe ji dest dan, 16 roj in li ATK’ê tên rawestandin.&nbsp;

	&nbsp;

	Di çalakiya 26’ê îlonê ya li dijî Malapolîsan a Tece ku li Taxa Tece ya navçeya Mezîtlî ya Mêrsînê pêk hat de polîsek hate kuştin û gelek polîs birîndar bûn. Di çalakiyê de berovajiyê îdiayên Wezîrê Karên Hundir Suleyman Soylû endamên HPG’ê Dîlara Urper (Sara Tolhildan) û Emek Feremez Hisên (Rûken Zelal) jiyana xwe ji dest dan.&nbsp;

	&nbsp;

	Hate hînbûn ku cenazeyên her du endamên HPG’ê ku perçebûyîne li morga Saziya Tiba Edlî (ATK) ya Edeneyê tên rawestandin. Malbata Urper ji bo cenazeyê keça xwe bigirin hate Mêrsînê û serî li Serdozgeriya Komarê ya Mêrsînê da. Lê dozgeriyê xwest ji ferdên malbatê ji bo testa DNA’yê xwîn bê girtin. Li ser vê yekê malbat bêyî ku cenaze bigire vegeriya.&nbsp;

	&nbsp;

	Cenazeyên endamên HPG’ê Urper û Hisên ji ber mînaka DNA’yê 16 roj in li ATK’ê tên rawestandin.&nbsp;

	&nbsp;

	Wezîrê Karên Hundir Suleyman Soylû ewilî îdia kir ku çalakî Dilşah Ercan lidarxistiye. Soylû, piştî daxuyaniya HPG’ê got ku teşhîsa wê ji aliyê teqsîvanekê ve hatiye kirin û dîsa îdia kir ku şopên tiliyên Dilşah Ercan derketine. Soylû dû re di çalakiyeke ku tevlibûyî de îdia kir ku endamên HPG’ê bi paramotoran hatine bajêr.&nbsp;

	&nbsp;