
Dozger ji bo cerdevanê tecawizkar mutala xwe eşkere kir  

2022-10-11 14:05:16


	&nbsp;

	WAN – Dozger di danişîna cerdevan Riski Okam ê ku zarokek bi tecawiza sîstematîk re rûbirû hişt de mutalaya ji sûcê “îstîmara cinsî ya biwesf” xwest bê cezakirin, ji sûcê “kes ji azadiyê bêpar hiştin” jî bê beratkirin, da.&nbsp;

	&nbsp;

	Li navçeya Şaxê ya Wanê di sala 2021’an de cerdevanê bi navê Riski Okam zarokek 12 salî bi tecawiza sîstematîk re rûbirû hişt. Cerdevanê ji tecawizê tê darizandin. Danişîna duyemîn a dozê li Dadgeha Cezayê Giran a 6’emîn a Wanê hat lidarxistin. Cerdevanê bersûc û parêzerê xwe, ferdên malbata zaroka biçûk û parêzerên xwe tev li danişînê bûn.&nbsp;

	&nbsp;

	Danişînê bi xwendina girtekên danişîna ewil dest pê kir. Di çarçoveya daxwazan de hat diyarkirin ku qeydên HTS’ê di dosyeyê de hatine amadekirin.&nbsp;

	&nbsp;

	Parêzerê malbata zaroka mexdûr Sedat Duşunmez parastina xwe kir û xwest di asta herî jor de bersûc bê cezakirin.&nbsp;

	&nbsp;

	Cerdevan ê bersûc jî parastinên xwe yê danişîna ewil dubare kir. Her wiha parêzerê bersûc jî parastina xwe ya danişîna ewil dubare kir.

	&nbsp;

	Dozger derbarê dozê de mutalaya xwe eşkere kir û ji sûcê “îstîmara cinsî ya biwesf” xwest bê cezakirin, ji sûcê “kes ji azadiyê bêpar hiştin” jî bê beratkirin.&nbsp;

	&nbsp;

	Parêzer Sedat Duşunmez li dijî mutalayê dîsa axivî û destnîşan kir ku delîla herî berbiçav û mezin a bûyerê cerevantî ye û ew vê mutalayê qebûl nakin.&nbsp;

	&nbsp;

	Dadgehê derbarê bersûc de biryara berdewamiya girtî bê darizandin da û danişînek din taloqî 20’ê cotmehê kir.&nbsp;

	&nbsp;