
Abdullah Oncel bû serokê nû yê Baroya Rihayê  

2022-10-12 12:32:41


	RIHA - Abdullah Oncel ji bo serokatiya Baroya Rihayê hatibû bijartin. Di çarçoveya “têrnekirina hilbijartinê” îtîraz hatibû kirin û ev hat redkirin. Tê payîn Oncel îro mazbataya xwe wergbigire.&nbsp;

	&nbsp;

	Baroya Rihayê roja 9’ê cotmehê Kongreya xwe ya Asayî ya 36’emîn li dar xistibû. Di kongreyê de 6 parêzer ji bo serokatiyê ketibûn pêşbaziyê. Di dengdayînê de herî zêde Abdullah Oncel deng wergirt û ji bo serokatiya baroyê hat bijartin. Halîl Olgun ê di hilbijartinê de bûbû duyemîn derbarê Oncel de bi boneya lêpirsînek derbarê wî de heye serî li Dadgha Hilbijartinê da û îtîraz kiribû.&nbsp;

	&nbsp;

	Olgûn îdia kir ku “têrnekirina hilbijartinê” ya Oncel nîne û ji bo ew bûye duyemîn xwest mazbata bidin wî. Dadgeriya Hilbijartinê serlêdanê nirxand û bi hêceta delîl têr nakin û îdiaya Olgun îspat nekiriye serlêdanê red kir. Piştî vê redkirinê tê payîn Oncel îro mazbataya xwe werbigire û wezîfeya serokatiya baroyê bi rê ve bibe.&nbsp;

	&nbsp;

	Di hilbijartinê de Abdullah Oncel 393 deng, Halîl Olgûn 334 deng, Mehmet Velat Îzol 277 deng, Reşît Tartiş 215 deng, Eyyup Sabrî Tînaş 159 &nbsp;deng û Bulent Kûrt 117 deng wergirtibûn.&nbsp;

	&nbsp;

	&nbsp;

	&nbsp;