
Li Geverê yek jê zarok 2 kes hatin girtin  

2022-10-12 15:54:04


	&nbsp;

	COLEMÊRG - Ji kesên di 9’ê Cotmehê de li Geverê hatibûn binçavkirin yek jê zarok bi giştî 2 kes hatin girtin. Hat zanîn ku ciwan di bin çavan de hatine derbkirin.&nbsp;

	&nbsp;

	Zarokê bi navê O.Ç. (17) û ciwanê bi navê Erdem Keskîn (20), di şeva 9’ê Cotmehê de li Taxa Gungor a Gever a Colemêrgê bi îdiaya “agir vêxistine” hatin binçavkirin. Her du binçavkirî jî birin Midûriyeta Emniyetê ya Geverê.&nbsp;

	&nbsp;

	Hat zanîn ku her du binçavkirî li emniyetê hatine derbkirin û piştî kar û barên îfadegirtinê jî sewqî Serdozgeriya Komarê ya Geverê hatine kirin. Piştî karê îfadegirtinê yê li dozgeriyê, O.Ç. û Erdem Keskîn bi daxwaza girtinê sewqî Dadgeriya Silhê ya Geverê hatin kirin.&nbsp;

	&nbsp;

	Dadgehê, bi îdiayên “beyana hêzên ewlekariyê” û “îfadeyên hevnegirtî” biryara girtinê da û şand Girtîgeha Wan e.&nbsp;

	&nbsp;