
Gefa ‘bi bêdengî veşêrin’ li malbata Nagihan Akarsel hat xwarin 

2022-10-12 16:09:08


	KONYA - Cenazeyê Nagihan Akarsel ev hefteyeke tê astengkirin ku derbasî gundê wê yê li Konyayê bê kirin. Hat zanîn ku cendirmeyan gefa “cenaze bi bêdengî veşerin nexwe heke tiştek bibe em ê gund bişewitînin” li malbata Nagihan Akarsel xwar.&nbsp;

	&nbsp;

	Endama Navenda Lêkolînên Jineolojiyê, Edîtora Kovara Jineolojiyê, akademîsyen, û rojnameger Nagihan Akarsel di 4’ê cotmehê di encama êrişeke sûîqestê de li bajarê Silêmaniye yê Herêma Federal a Kurdistanê hat qetilkirin. Dihat payîn ku cenazeyê Akarsel saet di 16.00’an de bê Enqereyê û piştre jî li gundê Golyazi yê Cîhanbeylî ya Konyayê bê definkirin. Lê belê ji ber prosedurên li Balafirgeha Hewlêrê, cenazeyê Akarsel bi balafirê nehat şandin.&nbsp;

	&nbsp;

	Malbata Akarsel, ev hefteyeke li gundê Golyazi yê Cîhanbeylî ya konyayê şîn daniye û sersaxiyan qebûl dike. Duh jî parlamenterên Partiya Demokratîk a Gelan (HDP) Fatma kurtulan û Mahmût Togrûl çûn sersaxiya malbatê û bi şev li wir man. Her wiha hevalên Akarsel ên di Kovara Jineolojiyê de dixebitin jî çûn sersaxiya malbatê. Hevseroka Komeleya Rojnamegeran a Dîcle Firatê (DFG) Dîcle Muftuoglû, endamên Platforma Rojanemegerên Jin ên Mezopotamyayê (MGKP) û gelek rojnameger ji bo pêşwazîkirina cenazeyê Akarsel çûn gundê wê.&nbsp;

	&nbsp;

	CENDIRMEYAN GEF LI MALBATÊ XWAR

	&nbsp;

	Ji ber hatin û çûnên şînê, cendirmeyan gefa “dê dirûşm neyên berzkirin, em ê tiliyên kesên nîşaneya serkeftinê dikin bişikînin, bi bêdengî veşêrin, heke tiştek bibe em ê gund bişewitînin û dê we ji vir derxînin” li malbata Akarsel xwar.&nbsp;

	&nbsp;

	Tevî malbatê, komeke polîsên sivîl û cendirmeyan ku ji 10-15 wesayîtan pêk tê, li gundê Golyaziyê ketin malên şêniyên gund û gef lê xwarin ku tev li sersaxiyê nebin.&nbsp;

	&nbsp;

	ROJNAMEGER BIRIN QEREQOLÊ

	&nbsp;

	Rojnamegerên ku ji cihê şînê veqetiyayîn, di ketina gund de ji hêla cendirmeyan ve hatin sekinandin û birin qereqolê. Li qereqolê pirsa “hûn çima hatine” ji rojnamegeran hat kirin.&nbsp;

	&nbsp;

	Cenazeyê Nagihan Akarsel, li Hewlêrê bi wesayîtê ber bi Silopiyayê ve kete rê.&nbsp;

	&nbsp;