
Maça Amedspor-Belediyespora Sêwazê ji ber Erdogan hat taloqkirin  

2022-10-13 11:29:38


	AMED - Dihat payîn Amedspor û Belediyespora Sêwazê roja şemiyê li Amedê bilîstina. Ji ber ku Serokkomarê AKP’yî Erdogan roja şemiyê tê Amedê maçê taloqî roja yekşemê kirin.&nbsp;

	&nbsp;

	Amedspor û Belediyespora Sêwazê ku di Koma Spî ya Lîga 2’yemîn a Federasyona Futbolê ya Tirkiyeyê (TFF) de têdikoşin, dê roja şemiyê 15’ê cotmehê li stada Amedê bilîstina. Lê ji ber ku Serokkomarê AKP’yî Tayyîp Erdogan heman rojê tê Amedê, maça Amedspor û Sêwazê taloqî roja yekşemê hat kirin. Hat zanîn ku biryara taloqdayînê li ser fermana Midûriyeta Polîsan a Amedê hatiye dayîn û TFF’ê jî têkildarî vê biryara taloqkirina maçê tu daxuyaniyek neda.&nbsp;

	&nbsp;

	WÊ MAÇ LI SEYRANTEPE BÊ LÎSTIN&nbsp;

	&nbsp;

	Li Stada Amedê ji ber ku zemîna wê tê çêkirin, dê Amedspor û Belediyespora Sêwazê roja yekşemê saet di 14.00’an de li seha Şilbê Seyrantepe maça xwe pêk bînin.&nbsp;

	&nbsp;

	CEZAYÊ TEMAŞEYÊ LI ALÎGIRAN HATIYE BIRÎN&nbsp;

	&nbsp;

	Ji ber ku cezayê du maç bêtemaşevan li Amedsporê hat birîn, dê maça li Seyrantepeyê bêtemaşevan ango alîgirên Amedsporê were lidarxistin. Wê div ê maçê de cezayê bêalîgir bi dawî bibe.&nbsp;

	&nbsp;