
Rojnameger Bariştiran cara duyemîn beraet kir  

2022-10-13 12:12:44


	AMED &nbsp;- Rojnameger Bariş Bariştiran ku ji ber weşana zindî ya çalakiya KCD’ê bi îdiaya “propagandaya rêxistinê” dihat darizandin, cara duyemîn beraet kir.&nbsp;

	Midûrê Berpirsyar ê Karên Nivîsan ê Ozgur Gun TV’yê ku bi KHK’ê hatibû girtin û Endamê Lijneya Rêveber rojnameger Bariş Bariştiran, bi hinceta ku di adara sala 2016’an de Kongreya Awarte ya Kongreya Civaka Demokratîk (KCD) a li Amedê de weşana zindî kiriye, bi îdiaya “propagandaya rêxistinê” dihat darizandin. 4’emîn danişîna dozê îro li 8’emîn Dadgeha Cezayên Giran a Amedê hat dîtin. Bariştiran beşdarî dozê nebû lê parêzerê wî Resûl Temûr amade bû.&nbsp;

	&nbsp;

	‘PARVEKIRIN SÛC NÎNE’&nbsp;

	&nbsp;

	Parêzer Resûl Temûr di danişînê de diyar kir ku parvekirina mijarên ku seranserî civakê yan jî beşekê wê eleqeder dike, peywireke rojnamegeriyê ye û weşana zindî ya li ser televîzyonê jî mafê agahî girtinê ye. Temûr, da zanîn ku di xala 7’emîn a TMK’ê de tê gotin ku parvekirinên bi mebesta nûçeyê tên kirin sûc nînin û beraeta miwekîlê xwe xwest.&nbsp;

	&nbsp;

	Dadgehê jî bi sedema ku delîlên pêwîst nînin, biryara beraetê da.&nbsp;

	&nbsp;