
‘Qanûna sansûrê’ di medyaya cîhanê de bimetirsî hat dîtin  

2022-10-14 12:10:14


	ENQERE - “Qanûna sansûrê” ya ku li Meclisê hat erêkirin di çapemeniya dinyayê de wek “qanûna bêdengkirina muxalefetê” hat dîtin.&nbsp;

	&nbsp;

	Hevdîtinên sererastkirinên nû yên medya enternetê û medyaya dîjîtal k udi raya giştî de wek “qanûna sansûrê” tê pênasekirin, li Desteya Giştî ya Meclisê bi dawî bûn. Teklîfa qanûnê di Meclisê de bi dengên AKP û MHP’ê hat erêkirin û bû qanûn.

	&nbsp;

	“Qanûna sansûrê” ku li Meclîsê hat erêkirin, di medya cîhanê de jî bû mijara rexeneyê.&nbsp;

	&nbsp;

	Deutsche Welle (DW) nûçeya bi sernavê "Tirkiye ji bo 'dezenformasyon' cezayê hefsê tîne” amade kir û got: “Ji bo pêvajoya hilbijartinê dixwazin bandorek bi tirs çêkin.”&nbsp;

	&nbsp;

	abcNEWS bi sernavê “Di parlamentoya tirk de ji bo têkoşîna dezenformasyonê pêşnûmeya qanûna binîqaş hat erêkirin” serwîs kir û bal kişand ser prostestokirina qanûnê ku ji aliyê muxalefetê ve pêk tê.

	&nbsp;

	Middle East Eye jî nûçeya bi sernavê “Tirkiye ji bo ‘agahiya xelet’ û ‘nûçeya sexte’ qanûna ku cezayê hefsê dide erê kir” belav kir û got: “Beriya hilbijartinê AKP naxwaze encaman bibîne, ev encama anketan e.”&nbsp;

	&nbsp;

	Reutersê jî nûçeya bi sernavê “Parlamentoya Tirkiyeyê qanûna medyayê ku ku 'dezenformasyon' diweşînin diavêj hefsê, erê kir” ji aboneyên xwe re serwîs kir û qanûn ji xêrnexwaziya dadgehan re vekirî ye û tê xwestin muxalefetê bi vê qanûnê têk bibin.&nbsp;

	&nbsp;

	&nbsp;