
Li Silêmaniyê 8 penaberên siyasî hatin binçavkirin 

2022-10-20 19:18:28


	&nbsp;

	NAVENDA NÛÇEYAN - Asayîşa Silêmaniyê 8 welatiyên ji Bakurê Kurdistanê ku ji ber zextên dewleta Tirkiyeyê koçî Silêmaniyê bibûn û endamên HDP’ê bûn, binçavkirin.

	&nbsp;

	Li gor agahiyên bi dest ketine, Asayîşa Silêmaniyê li dijî penaberên siyasî yên ji Bakurê Kurdistanê dest bi operasyonek siyasî ya binçavkirinê kiriye. Hat zanîn heta niha 8 kes hatine binçavkirin. Hat gotin ku kesên hatine binçavkirin ji Bakurê Kurdistanê ne û endamên HDP’ê bûne û ji ber zextên dewleta Tirkiyeyê koçî Başûrê Kurdistanê kirine.

	&nbsp;

	Navên kesên hatine binçavkirin wiha ne: Meşruk Çiftçi, Ersoy Yilmaz, Hesen Kaçar, Mehmed Soyler, Serwet Akdeniz, Şefîk Yildirim, Murad Turak û kesekî navê wî nehat hînbûn.&nbsp;