
Li buroya me ya Enqereyê lêgerîn 6 saet dewam kir: Dest danîn ser mîkrofona MA’yê jî! 

2022-10-25 15:11:26


	&nbsp;

	ENQERE - Polîsên ku avêtin ser buroya me ya Enqereyê, 6 saetan lêgerîn kirin. Polîsan piştî lêgerînê mîkrofona ajansa me MA'yê wek alava "suc" hesibandin û desteser kirin. &nbsp;

	&nbsp;

	Di çarçoveya lêpirsîneke Serdozgeriya Komarê ya Enqereyê daye destpêkirin de polîsan serê sibê avêt ser buroya me ya Ajansa Mezopotamyayê (MA) ya Enqereyê. Li buroya me 6 saetan lêgerîn hat kirin. Polîsan saet 7’an de li gel xwe çilingîr anîne û deriyê buroyê vekirin û bêyî ku kesek li buroyê hebe lêgerîn kirin. Polîsan di vê kêliyê de nûçegihana MA’yê Şervîn Ozviran jî desteser kirine û est danîn ser nasname û telefona wê jî.&nbsp;

	&nbsp;

	DEST DANÎN SER ARŞÎVA OZGUR GUNDEMÊ

	&nbsp;

	Polîsan dest danîn ser arşîva ansîklopediyên rojnameya Ozgur Gundemê ya ji salên 1990'î heya16'ê tebaxa 2016’an de ku hat girtin. Her wekî din dest danîn ser rojnameyên Yenî Yaşam û rojnameya Xwebûnê jî. Balkêş bû ku di serdagirtinê de dest nedanîn ser rojnameyên di heman cihî de disekinîn ên Hûrriyet û Cûmhûriyetê.

	&nbsp;

	WÊNEYÊN ROJNAMEGERAN JÎ BIRIN

	&nbsp;

	Polîsan di serdagirtinê de dest danîn ser wêneya rojnameger û edîtora Kovara Jinolojiyê Nagîhan Akarsel a di 4’ê cotmehê de li Silêmaniyê hatibû qetilkirin û wênaya 16 rojnamegerên di 16’ê hezîranê de li Amedê hatibûn girtin.&nbsp;

	&nbsp;

	LÊGERÎN 6 SAET DOM KIR

	&nbsp;

	Polîsên ku 6 saetan li buroyê lêgerîn kirin dest danîn ser 5 computer, 2 hardîsk, ajandayên nîşeyên nûçeyan, telefonek, bi dehan pirtûk û kovaran. Polîsan mîkrofona MA’yê wek "alava sûc" hesiband û destser kirin.&nbsp;

	&nbsp;