
Dema binçavkirinê ya rojnamevanan hat dirêjkirin  

2022-10-25 23:15:58


	&nbsp;

	ENQERE - Dema binçavkirinê ya 12 rojnamevanên ku îro danê sibehê hatin binçavkirin rojekê hat dirêjkirin.

	&nbsp;

	Îro danê sibehê di çarçoveya lêpirsîna Serdozgeriya Komarê ya Enqereyê de polîsan li 9 bajaran bi ser malên rojnamevanên kurd ên xebatkarên Ajansa Mezopotamya (MA) û JinNewsê de girtin. Nûçegihanên MA’yê Dîren Yûrtsever, Denîz Nazlim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar û Ceylan Şahînlî û nûçegihanên JinNewsê Habîbe Eren û Oznûr Deger û Derya Ren (di çarçoveya lêpirsîneke din de) ji ber nûçeyên çêkirine hatin binçavkirin.&nbsp;

	&nbsp;

	Hat ragihandin ku dozgeriyê rojekê dema binçavkirinê ya 12 rojnamevanan dirêj kiriye.&nbsp;

	&nbsp;

	Her wiha hat hînbûn ku Midûra Karên Nivîsê ya MA'yê Dîren Yûrtsever ku li Stenbolê hatibû binçavkirin û nûçegihanê MA'yê Hakan Yalçin ku li Wanê hatibû binçavkirin anîne Enqereyê.&nbsp;