
Di doza bobelata keştiyê de hezar û 33 sal ceza hate dayîn 

2022-10-26 14:14:57


	&nbsp;

	WAN - Li Wanê di doza têkildarî bobelata keştiya ku 61 kesan jiyana xwe ji dest dabûn de hezar û 33 sal ceza ji xwediyê keştiyê Medenî Akbaş re hate birîn, bersûcên din jî beraet kirin.&nbsp;

	&nbsp;

	Li navçeya Westana Wanê di 27’ê hezîrana 2020’an de di keştiya Servet Akbaş de 61 kes bi qeniqînê jiyana xwe ji dest dan. Li gel Servet Akbaş ê xwediyê keştiyê, danişîna biryarê ya derbarê 12 kesan de ya bi sucdariya “qaçaxiya penaberan a xurt” û “sedembûna mirina gelek kesan a biqisûr” li 7’emîn Dadgeha Cezayê Giran a Wanê date dîtin.&nbsp;

	&nbsp;

	Di danişînê de derbarê Medenî Akbaş ê 2 sal e wek girtî tê darizandin de ji ber sedembûna mirina her 60 kesan 16 sal û 8 meh, ji bo zarokê ku jiyana xwe ji dest daye 25 sal, ji ber “qaçaxiya penaberan” 8 sal bi giştî hezar û 33 sal ceza hate birîn. Di dozê de derbarê 11 kesên din ên di heman dozê de dihatin darizandin de biryara beraetê hate dayîn.&nbsp;

	&nbsp;

	ÇI QEWIMÎ BÛ?

	&nbsp;

	Li taxa Altinsaç a navçeya Westanê di 27’ê hezîranê de keştiya penaber tê de bûn di Gola Wanê de noq bû. Di bobelatê de xwediyê keştiyê Medenî Akbaş hat xelaskirin û di encama xebatên lêgerînê de 2 jê zarok cesedê 61 penaberan hate dîtin. Aqûbeta xwediyê keştiya dîtir Sedat Akbaş ê ku derbarê wî de îxbara wendabûnê hatiye dayîn û gelek penaberan hê jî nayê zanîn.&nbsp;

	&nbsp;

	Piştî bobelatê tevî Servet Akbaş ê xwediyê keştiyê, derbarê 12 kesan de bi sucdariya “qaçaxiya penaberan a xurt” û “sedembûna mirina gelek kesan a biqisûr” doz hatibû vekirin.

	&nbsp;

	&nbsp;