
Nobeda Edaletê ya malbata Şenyaşarê di roja 600'î de li Mêrsînê didome 

2022-10-29 12:47:02


	&nbsp;

	MÊRSÎN- Malbata Şenyaşarê li Fûara Pirtûkan a CNR Mêrsînê ya 7'an li ser navê nivîskar Alî Orûç, pirtûka wî ya bi navê "Adalet" a li ser têkoşîna Emîne Şenyaşarê ye, îmze kir.&nbsp;

	&nbsp;

	Nobeda Edaletê ya malbata Şenyaşarê ku di 14'ê Hezîrana 2018'an de li navçeya Pirsûsê ya Rihayê 3 ferdên wê ji aliyê parastvan û xizmên Parlementerê AKP'ê yê Rihayê Îbrahîm Halîl Yildiz hatibûn qetilkirin, di roja 600'î de li Mêrsînê didome.&nbsp;

	&nbsp;

	Malbata Şenyaşarê li Fûara Pirtûkan a CNR Mêrsînê ya 7'an li ser navê nivîskar Alî Orûç pirtûka wî ya bi navê "Adalet" a li ser têkoşîna Emîne Şenyaşarê îmze kir. Parlementera Partiya Demokratîk a Gelan (HDP) a Mêrsînê Fatma Kûrtalan, Hevserokê HDP'a Mêrsînê Hoşyar Sariyildiz û gelek kes tevlî çalakiya îmzeyê bûn. Li standa weşanxaneyê pankarta li ser "Edalet ji bo malbata Şenyaşarê nivîsandî" hat daliqandin.&nbsp;

	&nbsp;

	Ji malbata Şenyaşarê Ferît Şenyaşar û Parlementera HDP'ê ya Mêrsînê fatma Kûrtalan li ser navê nivîskar Orûç pirtûkê îmze kirin.&nbsp;