
Daxwaza betalkirina darizandina parlamenter Kaya hat redkirin 

2022-11-01 13:31:18


	&nbsp;

	AMED – Di doza Parlamentera HDP’ê Hûda Kaya de parêzeran xwest ku ji ber parêzbendiyê, darizandina Kaya bê betalkirin lê ev daxwaz hat redkirin.&nbsp;

	&nbsp;

	Parlamentera Partiya Demokratîk a Gelan (HDP) Hûda Kaya, bi hinceta ku di lijneyên Kongreya Civaka Demokratîk (KCD) de cih girtiye û tev li xebatên partiya siyasî bûye, bi îdiaya “endamtiya rêxistinê” dihat darizandin. Danişîna dozê îro li 5’emîn Dadgeha Cezayên Giran a Amedê hat dîtin. Kaya tev li danişînê nebû lê parêzerê wê Serdar Çelebî amade bû.&nbsp;

	&nbsp;

	Parêzer Serdar Çelebî di danişînê de anî ziman ku beyanên xwe yên di daxwaznameya xwe ya di rûniştina navberê de dabûn dadgehê dîsa dubare dike û xwest ku ji ber parêzbendiyê darizandina miwekîla wî bê betalkirin.&nbsp;

	&nbsp;

	Dozger jî xwest ku kêmaniyên di dosyayê de bên temamkirin.&nbsp;

	&nbsp;

	Şandeya dadgehê daxwaza betalkirina darizandina Kaya red kir û danişîna dozî taloqî 12’ê çileyê kir.&nbsp;

	&nbsp;