
Şahidiniya ‘Yildiz’ ê di gelek dozan de weke ‘şahidê nepen’ hate nîşandan hate betalkirin 

2022-11-02 12:09:06


	&nbsp;

	AMED - “Biryara parastina şahid” a Yildizê ku wekî “şahidê nepen” di dosyaya parlamenterê HDP’ê Mûsa Farisogûllari û gelek dosyayên din de hat nîşandan, ji aliyê dadgehê ve hat rakirin û dest ji guhdarkirina wî hate berdan.&nbsp;

	&nbsp;

	Derket holê ku “şahidê nepen” ê bi nasnavê Yildiz ku li ser parlamenterê Partiya Demokratîk a Gelan (HDP) Mûsa Farîsogûllari yê ku parlamenteriya wî hat betalkirin îfade daye, ji “bernameya parastina şahidan” hatiye derxistin.&nbsp;

	&nbsp;Danişîna doza Farîsogûllari bi îdiaya “endamtiya rêxistinê” tê darizandin, li Dadgeha Cezayê Giran a Amedê ya 10’emîn hat dîtin. Farisogullari tev li danişînê nebû û parêzerên wî Serdar Çelebî Û Hayrettîn Guzel amade bûn. 10’emîn Dadgeha Cezayê Giran a Amedê bi yek dengî biryar da ku dest ji guhdarkirina şahid Yildiz ê ji bernameya parastina şahidan hatiye derxistin, berdin.&nbsp;

	&nbsp;

	Şandeya dadgehê ragihand ku muzakereya ji Miduriyeta Polîsan a Amedê re hatiye nivîsîn, hatiye bersivandin û hatiye gotin ku Yildiz ji bernameya parastina şahidan hatiye derxistin. Şandeya dadgehê têkildarî çima Yildiz ji bernameya parastina şahidan hatiye derxistin agahî parve nekir.&nbsp;

	&nbsp;

	Dozger, parêzerên Farisogûllari Guzel û Çelebî xwestin ku kêmasiyên di dosyayê de bên temamkirin.&nbsp;

	Şandeya dadgehê biryara berdewamkirina biryara kontrola edlî ya li dijî Farîsogûlları da û daxwaza dema zêde ya pisporê ku ji bo axaftinên kurdî wergerîne tirkî hatiye tayînkirin qebûl kir û danişîn taloqî 10’ê sibatê kir.

	&nbsp;

	&nbsp;

	&nbsp;

	&nbsp;