
Heman dadgerî Mûsa Orhan tehliye kir û serokê MHP’yî jî da beraetkirin  

2022-11-05 13:11:59


	&nbsp;

	AMED - Derket holê ku Serokê dadgehê Îsmaîl Kizilelma ku Serokê MHP’a Amedê Cîhan Kayaalp ê tecawizkar da beraetkirinê berê jî çawişê pispor Mûsa Orhan ku tecawizî Îpek Er kiribû û bûbû sedemê kuştina wê jî beraet kiriye.&nbsp;

	&nbsp;

	Derketibû holê ku Serokê MHP’ê yê Amedê Cîhan Kayaalp zarokek bi îstîsmara cinsî re rûbirû hiştiye. Li ser vê yekê Navenda Giştî ya MHP’ê Kayaalp ji wezîfeyê girtibû. Kayaalp ê ji doza îstîsmarkirina cinsî dihat darizandin, duh danişîna wî li 13’emîn Dadgeha Cezayê Giran a Amedê hat lidarxistin. Dadgehê îdia kir ku ji bo tawanbariyên Kayaalp delîlan têr bikin nehatine bidestxistin û derbarê wî de biryara beraetê da.&nbsp;

	&nbsp;

	Agahî nehatin bidestxistin ku şahidan ji bo parastina Kayaalp ka îfadeyên xwe guhertine an na û li pişt perdeye çi qewimiye. Vî Serokê 13’emîn Dadgeha Cezayê Giran a Amedê Îsmaîl Kizilelma yê ku derbarê Kayaalp de biryara beraetê da, berê jî ji doza Îpek Er ku tecawizkar çawişê pispor Mûsa Orhan jê dihat darizandin, hatibû rojevê.&nbsp;

	&nbsp;

	Derket holê ku dadger Îsmaîl Kizilelma ew dadger e ku Mûsa Orhan ê ku tecawizî Îpek Er kiribû û Er ji ber vê tecawizê dawî li jiyana xwe anîbû jî berdabû. Kizilelma ku wê demê serokê Dadgeha Cezayê Giran a Sêrtê bû, bi biryarnayek tayînî 13’emîn Dadgeha Cezayê Giran a Amedê hatiye kirin.&nbsp;

	&nbsp;

	HEMAN DADGERÎ MÛSA ORHAN JÎ BERDABÛ&nbsp;

	&nbsp;

	Mûsa Orhan ê tecawizkar her çiqas ji sûcê “êrişa cinsî ya biwesf” hat girtin jî lê dadger Kizilelma wî berdabû.&nbsp;

	&nbsp;

	LI GEL MUTALA DOZGER JÎ HAT BERDAN&nbsp;

	&nbsp;

	Li gel ku dozger di danişîna doza Kayaalp de mutalaya xwe pêşkêş kir û xwest Kayaalp girtî jî bê darizandin, lê dadger bi îdiaya ku delîl bi awayek têr bikin nehatine bidestxistin, biryara beraetê da û wî ji girtîgehê berda.&nbsp;

	&nbsp;